5. Mojžišoskro 15:23 - Le Devleskero Lav Andre Romaňi Čhib Slovensko 2021

²³ Ale našťi chas o rat ole džviroskro; čhoreha les avri pre phuv sar o paňi.“

5. Mojžišoskro 15:23 ပူးပေါင်းရင်းမြစ်များ

1. Mojžišoskro 9:4

Ale o mas, andre savo hin o rat, našťi chan, bo andro rat hin o dživipen.

Ezechiel 33:25

Vašoda lenge phen: ‚Kada phenel o RAJ, o Adonaj: Tumen chan o mas le rateha a lašaren o modli, čhoren avri o rat a the avke kamen te zďeďinel e phuv?

3. Mojžišoskro 17:10

„ ‚Te varesavo Izraelitas abo cudzincos, so bešel tumenca, chala o rat, me lestar visarava miro muj. Sakones, ko chaľahas o rat, tradava avri mire manušendar.

3. Mojžišoskro 19:26

Ma chan ňisavo mas le rateha. Ma vražinen aňi ma čarinen.

3. Mojžišoskro 7:26

Pre ňisavo than, kaj bešena, ma chan ňisavo rat le čiriklendar aňi le džvirendar.

Skutki 15:20

ale kampel lenge te pisinel ľil a te phenel, hoj te na chan oda, so hin obetimen le modlenge, te na keren lubipen, te na chan o mas le tasade džvirengro aňi o rat.

5. Mojžišoskro 12:15

A kana ča kamena, šaj murdarena tumare džviren andre tumare fori a šaj chana ajci mas, keci tumenge požehňinela o RAJ. Savore tumendar šaj olestar chan, o nažužo the o žužo manuš, avke sar te chaľanas jeleňis abo antilopa.

5. Mojžišoskro 12:16

Ča lengro rat ma chan; čhoren les avri pre phuv sar paňi.

5. Mojžišoskro 12:23

Ale šoha ma chan lengro rat, bo o rat hin o dživipen. Vašoda ma chan o mas le dživipnaha.

5. Mojžišoskro 12:24

Ma chan o rat, ale čhoren les avri pre phuv sar paňi.

1. Samueloskro 14:32

Andre odi bari bokh o murša chučile pro stadi, pro bakre, pro guruva the pro terne gurumňa, rozčhingerenas len pre phuv a chanas o mas the le rateha.

1. Samueloskro 14:33

Vareko le Sauloske phenďa: „Dikh, o murša keren binos anglo RAJ, bo chan o mas le rateha.“ „San napačivale le RAJESKE!“ phenďa o Saul. „Kotuľinen ke ma takoj jekh baro bar.“