4. Mojžišoskro 9:15 - Le Devleskero Lav Andre Romaňi Čhib Slovensko 2021

¹⁵ Andre oda džives, sar sas o Svetostankos ačhado, zaučharďa les e chmara a račatar dži tosara švicinelas sar jag upral o Svetostankos.

4. Mojžišoskro 9:15 ပူးပေါင်းရင်းမြစ်များ

Nehemiaš 9:12

Tu len ľidžahas prekal o džives sar chmarakro slupos a rači sar jagalo slupos, hoj lenge te švicines pro drom, khatar kamle te džal.

Nehemiaš 9:19

tu len andre tiro baro jileskeriben na omukľal pre pušťa. O chmarakro slupos lendar na odgeľa dživese, ale ľidžalas len pre lengro drom. Aňi o jagalo slupos lendar na odgeľa rači, ale švicinelas lenge pro drom, kaj džanas.

Žalmi 105:39

Nacirdňa lenge e chmara sar lepeda a rači švicinelas la jagaha.

Žalmi 78:14

Dživese len ľidžalas la chmaraha a rači le jagale švetloha.

2. Mojžišoskro 13:21

O RAJ džalas angle lende dživese andro chmarakro slupos, hoj lenge te sikavel o drom, a rači andro jagalo slupos, hoj lenge te švicinel. Avke on šaj džanas the dživese the rači.

2. Mojžišoskro 13:22

O chmarakro slupos dživese na odgeľa anglal o manuša, aňi rači o jagalo slupos.

2. Mojžišoskro 14:24

Ale sar vidňisaľolas, o RAJ dikhľa andral o jagalo the chmarakro slupos pro taboris le Egipťanengro a kerďa maškar lende baro zmetkos.

2. Mojžišoskro 40:2

„Ešebno džives andro ešebno čhon ačhav o Svetostankos, o Stanos, kaj tumen zdžana le RAJEHA.

2. Mojžišoskro 40:34

Akor e chmara zaučharďa o Svetostankos a le RAJESKRI slava pherdžarďa o Stanos.

2. Mojžišoskro 40:35

Vašoda o Mojžiš našťi geľa andro Svetostankos, bo e chmara sas upral leste a le RAJESKRI slava pherdžarďa o Stanos.

2. Mojžišoskro 40:38

Dživese le RAJESKRI chmara sas upral o Svetostankos a rači sas andre chmara jag, vašoda les dikhenas savore Izraeliti pal calo časos, sar phirenas than thanestar pal e pušťa.

Izajaš 4:5

Avke o RAJ kerela upral o verchos Sion the upral ola, ko pes ode zdžan, dživese e chmara le thuvestar a rači e jag, so labol. Odi slava učharela andre savoro sar streškica.

4. Mojžišoskro 10:34

Akorestar, sar pes mukle pro drom andral o taboris, le RAJESKRI chmara sas calo džives upral lende.

4. Mojžišoskro 14:14

a on oda dena te džanel le manušenge, save bešen andre odi phuv. On imar šunde, hoj tu, RAJEJA, sal maškar kala manuša a hoj lenge diňal te dikhel tut le jakhenca. Šunde, hoj tiri chmara ačhel upral kala manuša, hoj dživese džas angle lende andre chmara a rači andro jagalo slupos.

4. Mojžišoskro 17:7

Sar o manuša džanas pro Mojžiš the pro Aron a visarde pes ko Svetostankos le RAJESKRO, jekhvareste o Svetostankos zaučharďa e chmara a sikaďa pes le RAJESKRI slava.

1. Korinťanenge 10:1

Kamav, phralale, hoj te džanen, hoj savore amare dada sas tel e chmara a savore pregele prekal o moros.

5. Mojžišoskro 1:33

savo angle tumende džalas rači sar o jagalo slupos a dživese sar e chmara, hoj prekal tumare tabora te arakhel thana a hoj tumenge te sikavel o drom, pal savo te džal.