4. Mojžišoskro 4:12 - Le Devleskero Lav Andre Romaňi Čhib Slovensko 2021

¹² Paľis lena savoro sersamos, soha pes služinel andro Svetostankos, thovena les pre fijalovo deka, učharena andre le tuleňiskra lepedaha a thovena pro dručki.

4. Mojžišoskro 4:12 ပူးပေါင်းရင်းမြစ်များ

1. Kronicko 9:28

Varesave Leviti pes starinenas pal o veci pro lašariben andro Chramos. Sar o veci lenas avri abo thovenas pale, mušinenas len te zgenel.

1. Kronicko 9:29

Aver džene pes starinenas pal o sersamos the pal savore sveta veci, pal o nekfeder aro, pal o olejos, pal o kaďidlos, pal o koreňje the pal e mol.

2. Kronicko 4:11

O Chiram kerďa the pira, lopati the čare. Avke dokerďa e buči, so kerďa prekal o Šalamun pro Chramos le RAJESKRO:

2. Kronicko 4:16

o čare, o lopati, o vidli the savore aver veci. Oda savoro kerďa o Chiram le žuže brondzostar le Šalamunoske prekal o Chramos le RAJESKRO.

2. Kronicko 4:19

Ov diňa te kerel andro Chramos le RAJESKRO the kala veci le žuže somnakastar: o somnakuno oltaris; o skaminda, pre save pes thovelas o sveta mare;

2. Kronicko 4:22

o čhura, o čare, o kuča the o lopatki; o vudara andro Neksveteder than the andro Chramos sas obcirdle le somnakaha.

2. Mojžišoskro 25:5

baranoskri cipa farbimen pro loles, tuleňiskri cipa, akacijoskre kašta,

2. Mojžišoskro 25:9

O Svetostankos the savore veci andre kerena pal oda planos, so tuke sikavava.“

2. Mojžišoskro 31:10

o sane ruchi pre le rašajengri služba prekal o Aron the leskre čhave,

4. Mojžišoskro 3:8

Starinena pes pal savoro, so hin andro Svetostankos, a kerena savoro, so kampel andre služba vaš o Izraeliti.

4. Mojžišoskro 4:11

Pro somnakuno oltaris thovena e fijalovo lepeda a učharena les andre lepeda le tuleňiskra cipatar a ispidena andre o dručki.

4. Mojžišoskro 4:13

Paloda žužarena o oltaris le žirošne prachostar a čhivena upre e fijalovo deka.

4. Mojžišoskro 4:6

Paľis upre thovena e lepeda le tuleňiskra cipatar a upral e fijalovo lepeda a ispidena andre o dručki.

4. Mojžišoskro 4:7

Pro skamind prekal o sveta mare thovena e fijalovo deka a upre thovena o taňira, o kuča, o čarore pre obeta a o džbani pre moľakri obeta. O maro ela furt pro skamind.

4. Mojžišoskro 4:9

Paľis lena e fijalovo lepeda a učharena andre o svietňikos, o lampi, o kliešťi, o cikne lopatki the savore nadobi pro olejos.