4. Mojžišoskro 35:15 - Le Devleskero Lav Andre Romaňi Čhib Slovensko 2021

¹⁵ Kala šov fori ena pro garuďipen na ča prekal o Izraeliti, ale the prekal o cudzinci the ola, ko hine avre narodendar a bešen maškar tumende. Ode pes šaj garuvel oda, ko varekas murdarel, ale na kamľa.

4. Mojžišoskro 35:15 ပူးပေါင်းရင်းမြစ်များ

2. Samueloskro 14:14

Bo jekhvar mušinas savore te merel, sam sar o paňi, so hino avričhordo pre phuv a so imar pes na del te skidel upre. Ale o Del na kamel te lel ňikaske o dživipen, ale kerel savoro, hoj te anel pale oles, ko hino lestar dur.

2. Mojžišoskro 12:49

Kada zakonos mušinena te doľikerel o Izraeliti the o cudzinci, save bešena maškar tumende.“

3. Mojžišoskro 24:22

Jekh zakonos ela prekal o cudzincos the prekal o Izraelitas. Me som o RAJ, tumaro Del.‘ “

3. Mojžišoskro 4:2

„Phen le Izraelitenge, so mušinena te kerel, sar vareko kerela binos, savo na gondoľinelas te kerel, a kerela oda, so zakazinel varesavo prikazis le RAJESKRO.“

4. Mojžišoskro 15:16

Kala zakoni the pravidla ena prekal tumende the prekal o cudzincos, savo bešel maškar tumende.‘ “

4. Mojžišoskro 35:11

kiden avri o fori, andre save pes o manuš šaj garuvel, te varekas murdarel, ale na kamľa.

Rimanenge 3:29

Či o Del hino Del ča le Židenge? Či nane Del the avre narodenge? He, ov hino Del the avre narodenge.

Galaťanenge 3:28

Imar akana nane aňi Židos, aňi Grekos; aňi otrokos aňi slobodno; aňi murš aňi džuvľi, bo savore san jekh andro Ježiš Kristus.