4. Mojžišoskro 33:1 - Le Devleskero Lav Andre Romaňi Čhib Slovensko 2021

¹ Kala sas o thana, kaj o Izraeliti peske kerenas tabora, akor sar o Mojžiš the o Aron len ľidžanas pal lengre kmeňi andral o Egipt.

4. Mojžišoskro 33:1 ပူးပေါင်းရင်းမြစ်များ

Žalmi 105:26

Bičhaďa le Mojžiš, peskre služobňikos, the le Aron, saves peske kidňa avri.

Žalmi 77:20

Tiro drom ľidžalas prekal o moros, tiro chodňikos prekal o bare paňa, ale tire stopaja na dičholas.

2. Mojžišoskro 12:37

Paľis o Izraeliti pes mukle andral o Raamses a gele andro Sukot. Sas vaj 600 000 murša, bi o džuvľa the bi o čhave.

2. Mojžišoskro 12:41

Le RAJESKRE manuša avle avri andral o Egipt ipen pro posledno džives ole 430 beršenge.

2. Mojžišoskro 12:51

Andre oda džives o RAJ iľa avri andral o Egipt savore izraelika kmeňi.

2. Mojžišoskro 13:18

Vašoda len o Del ľidžalas pal e pušťa paš o Lolo moros. O Izraeliti džanas avri andral o Egipt avke sar slugaďa pripravimen andro mariben.

2. Mojžišoskro 6:26

O Mojžiš the o Aron sas ola, kaske o RAJ phenďa: „Ľidžan avri andral o Egipt le Izraeliten dojekhes pal peskro kmeňos.“

Micheaš 6:4

Se iľom tumen avri andral o Egipt, cinďom tumen avri andral o otroctvos; bičhaďom le Mojžiš, le Aron the la Mirijam, hoj tumen te ľidžan.

4. Mojžišoskro 33:2

O RAJ prikazinďa le Mojžišoske, hoj te zapisinel o thana, kaj pes ačhavelas o taboris. Kada sas lengro drom:

Jozua 24:5

Paľis bičhaďom le Mojžiš the le Aron a maravas le Egipt bare dukhenca. Avke tumen odarik ľigenďom avri.

1. Samueloskro 12:8

Sar avľa o Jakob andro Egipt a tumare dada vičinenas ko RAJ, hoj lenge te pomožinel, bičhaďa le Mojžiš the le Aron. On odarik ile avri tumare daden a thode len te bešel pre kada than.