4. Mojžišoskro 32:39 - Le Devleskero Lav Andre Romaňi Čhib Slovensko 2021

³⁹ O potomki le Machiroskre, savo sas čhavo le Menašeskro, gele pro mariben andre phuv Gilead. Zaiľa la a tradľa avri odarik le Amorejčanen, save ode bešenas.

4. Mojžišoskro 32:39 ပူးပေါင်းရင်းမြစ်များ

1. Mojžišoskro 50:23

Dikhľa le Efrajimoskre čhaven the lengre čhaven. Dikhľa the le čhaven le Machiroskren, savo sas o čhavo le Menašeskro, a priiľa len sar peskren.

2. Samueloskro 24:6

Paľis avle andre phuv Gilead the andro foros Kadeš, andre le Chetitanengri phuv, a odarik gele andro Dan a paľis andro phuva pašal o foros Sidon.

4. Mojžišoskro 26:29

O potomki le Menašeskre sas kala: le Machirostar, e famelija le Machiroskri. O Machir sas dad le Gileadoske; le Gileadostar, e famelija le Gileadoskri.

5. Mojžišoskro 3:15

Le Machiroske diňom o Gilead.

Jozua 17:1

O dujto jepaš kmeňos Menaše chudňa pro zapados le Jordanostar prekal o losos o ďeďictvos, bo ov sas le Jozefoskro ešebno čhavo. Le Menašeskro ešebno čhavo o Machir, savo sas zoralo andro mariben, chudňa o phuva Gilead the Bašan. O Machir sas dad le Gileadoskro.

Sudcengro 10:8

On andre oda časos trapinenas le Izraeliten a na denas len smirom. Dešuochto (18) berš trapinenas savore Izraeliten pal o Jordan, andro Gilead, andre phuv le Amorejčanengri.

Sudcengro 5:14

Varesave avle tele andral o Efrajim, kaj bešenas angloda o Amaleka, aver avle andral o Benjamin. Le Machirostar avle o vodci a le Zebulunostar ola, ko hine veľiťeľa.