4. Mojžišoskro 32:33 - Le Devleskero Lav Andre Romaňi Čhib Slovensko 2021

³³ Avke o Mojžiš diňa le kmeňenge Gad the Ruben the le jepaš kmeňoske Menaše e phuv le Sichonoskri, savo sas kraľis upral o Amorejčana, the e phuv le kraľiskri Ogoskri andral o Bašan. Diňa lenge caľi odi phuv a paš oda o fori the o phuva pašal lende.

4. Mojžišoskro 32:33 ပူးပေါင်းရင်းမြစ်များ

1. Kronicko 12:31

andral o Efrajim: 20 800 zorale murša, dojekhes lendar sas baro nav andre peskri fajta;

1. Kronicko 26:32

Le Jerijah sas duj ezera the efta šel (2 700) phrala, save sas vodci andre peskre fajti. Len o David ačhaďa upral o kmeňi Ruben, Gad the jepaš kmeňos Menaše, hoj te stražinen savore veci le Devleskre the le kraľiskre.

1. Kronicko 5:18

Andro kmeňos Ruben, Gad the jepaš kmeňos Menaše sas 44 760 slugaďa avrisikade andro mariben le šťitenca, šabľenca, lukenca the šipenca.

4. Mojžišoskro 32:1

Le kmeňen Ruben the Gad sas igen but dobitkos. Sar dikhle, savi lačhi maľa sas andro Jazer the Gilead prekal o dobitkos,

4. Mojžišoskro 32:32

Predžaha o Jordan andre phuv Kanaan pripravimen pro mariben. Ale e phuv, savi chudaha sar ďeďictvos, ela kade pro vichodos le Jordanostar.“

4. Mojžišoskro 34:14

Bo o kmeňi Ruben the Gad the o jepaš kmeňos Menaše imar peskri phuv chudle

4. Mojžišoskro 34:15

pro vichodos le Jordanostar anglo Jericho.“

5. Mojžišoskro 29:8

Doľikeren o lava kala zmluvakre a dživen pal oda, hoj tumenge te avel avri savoro, so kerena.

Jozua 12:1

O Izraeliti zviťazinde upral o duj kraľa pro vichodos le Jordanostar a zaile lengre phuva. Ola phuva chudenas le juhostar le paňestar Arnon upre pre vichodno sera le Jordanoskri dži ko verchos Chermon.

Jozua 12:6

Upral kala duj kraľa zviťazinďa le Izraelitenca o Mojžiš, o služobňikos le RAJESKRO. O Mojžiš diňa lengre phuva sar ďeďictvos le kmeňenge Ruben the Gad the le jepaš kmeňoske Menaše.

Jozua 14:3

O Mojžiš imar diňa duj the jepaš kmeňenge o ďeďictvos pal o Jordan, ale le Leviten na diňa ňič.

Jozua 22:4

Ale akana imar diňa o RAJ, tumaro Del, tumare phralen smirom, avke sar len diňa lav. Akana džan pale ke tumare stani, andre tumari phuv, so tumenge diňa o Mojžiš, o služobňikos le RAJESKRO, pal o Jordan.

Jozua 22:7

Le jepaš kmeňoske Menaše diňa o Mojžiš o phuva andro Bašan a le avre jepaš kmeňoske diňa o Jozua o phuva lengre phralenca pro zapados le Jordanostar. O Jozua požehňinďa the len, a sar len mukľa te džal andre peskre stani,

1. Samueloskro 13:7

Varesave Hebreja pregele prekal o Jordan andre phuv Gad the Gilead. O Saul ačhiľa andro Gilgal a leskre murša, save džanas pal leste, izdranas daratar.