4. Mojžišoskro 31:54 - Le Devleskero Lav Andre Romaňi Čhib Slovensko 2021

⁵⁴ O Mojžiš the o Eleazar preile o somnakaj le armadakre veľiťeľendar a ľigende andre le RAJESKRO Svetostankos, hoj peske o RAJ te leperel pro Izraeliti.

4. Mojžišoskro 31:54 ပူးပေါင်းရင်းမြစ်များ

Ezdraš 7:5

leskro o Abišuas, leskro o Pinchas, leskro o Eleazar a leskro o Aron, savo sas nekbareder rašaj.

Žalmi 115:1

Na amenge, RAJEJA, na amenge, ale tire naveske patrinel e chvala vaš tiro kamiben the tiri vernosť!

Žalmi 145:7

Leperena peske pal tiro baro lačhipen a radišagoha giľavena pal tiro spravodľišagos.

Žalmi 18:49

zachraňinel man mire ňeprijaťeľendar, hazdel man upral ola, ko pre ma džan, a cirdel man avri andral o vasta le maribnaskre muršengre.

2. Mojžišoskro 28:12

Paľis prichudeha pro efodos pre oda than, so pes thovel pro vali o bara, so leperena le Izraeloskre čhaven. O Aron len hordinela pro soduj vali anglo RAJ, hoj len te leperel.

2. Mojžišoskro 30:16

Kala love kide avri le Izraelitendar a de pre služba andro Svetostankos. Me mange pre lende leperava, sar anena e obeta, so anel o zmjereňje le RAJEHA.“

Zacharijaš 6:14

E koruna ela andro Chramos le RAJESKRO, hoj pes te leperel pro Cheldaj, Tobijah, Jedajah the pro lačhipen le Cefanjoskro čhaskro.

Лукастар 22:19

Avke iľa o maro a paľikerďa. Phagerelas, podelas lenge a phenďa: „Kada hin miro ťelos, so pes del vaš tumenge, kada keren pre miro leperiben.“

Skutki 10:4

Ov pes pre leste zadikhľa a daraha phenďa: „So, Rajeja?“ O aňjelos leske odphenďa: „Tiro lačhipen, so kerehas le čorenge, the o modľitbi sas avrišunde a o Del pre tu na bisterďa.

Jozua 4:7

odphenen lenge, hoj sar preľidžanas e archa le RAJESKRA zmluvakri prekal o Jordan, o paňi angle late zaačhiľa. O Izraeliti peske leperena pro furt kale barenca, hoj o paňi andro Jordan sas zaačhado.“