4. Mojžišoskro 29:11 - Le Devleskero Lav Andre Romaňi Čhib Slovensko 2021

¹¹ Anena the jekhe capos pre obeta vaš o binos paš e koza, so pes obetinel pro smirom. Kerena oda jekhetane le labarde, le chabeneskre the le moľakre obetenca, so pes keren sako džives.

4. Mojžišoskro 29:11 ပူးပေါင်းရင်းမြစ်များ

Izajaš 53:10

No o RAJ oda avke kamelas, hoj les te marel le pharipnaha. Ov dela peskro dživipen sar e obeta vaš e vina a paloda dikhela peskro potomstvos, leskro dživipen na preačhela a prekal leste avela avri oda, so o RAJ kamelas te kerel.

3. Mojžišoskro 16:3

O Aron šaj avel andro Neksveteder than kavke: Anela le terne bikos pre obeta vaš o binos the le bakres pre labarďi obeta.

3. Mojžišoskro 16:5

Lela le Izraelitendar duje capen pre obeta vaš o binos a jekhe bakres pre labarďi obeta.

3. Mojžišoskro 16:9

O Aron anela le capos, pre savo perela le RAJESKRO losos, a obetinela les sar e obeta vaš o binos.

4. Mojžišoskro 29:10

the kilos pre dojekh bakroro.

4. Mojžišoskro 29:6

Avke len obetinena jekhetane la čhoneskra labarďa the chabeneskra obetaha, a jekhetane le labarde the moľakre obetenca, so pes keren sako džives, avke sar hin dino. Kala obeti šukares voňinena le RAJESKE.

Židenge 7:27

Leske na kampel sako džives te obetinel ešeb vaš peskre bini a paľis vaš o bini le manušengre, avke sar oda keren o nekbareder rašaja. Se ov oda kerďa jekhvar a pro furt akor, sar obetinďa pes korkores.