4. Mojžišoskro 27:11 - Le Devleskero Lav Andre Romaňi Čhib Slovensko 2021

¹¹ Te leskre dades na ela phrala, e phuv chudela leskri nekpašeder famelija. Oda ela zakonos prekal o Izraeliti, avke sar o RAJ prikazinďa le Mojžišoske.‘ “

4. Mojžišoskro 27:11 ပူးပေါင်းရင်းမြစ်များ

Jeremijaš 32:8

Avke sar mange oda o RAJ diňa anglal te džanel, avľa pal ma o Chanamel, mire bačiskro čhavo, pre dvora le stražňikengri a phenďa mange: ‚Cin tuke miri maľa, so hiňi andro Anatot andre phuv le Benjaminoskri, bo tut ešebnones hin pravos la te cinel. Cin tuke la!‘ Akor džanavas, hoj oda sas o lav le RAJESKRO.

3. Mojžišoskro 25:25

Te vareko le Izraelitendar ačhela čoro a mušinela te bikenel peskri phuv, akor mušinel te avel leskri nekpašeder famelija a te cinel la pale.

3. Mojžišoskro 25:49

či o bačis abo le bačiskro čhavo, vaj vareko aver leskra famelijatar. Abo te paľis les pre oda ela, šaj pes cinela avri korkoro.

4. Mojžišoskro 27:10

Te les nane aňi phrala, e phuv chudena leskre dadeskre phrala.

4. Mojžišoskro 35:29

Kada ela zakonos prekal savore tumare pokoleňja všadzik, kaj bešena.

1. Samueloskro 30:25

Akorestar oda avke the kerenas. O David kerďa olestar zakonos, so pes doľikerel andro Izrael dži adadžives.