4. Mojžišoskro 26:55 - Le Devleskero Lav Andre Romaňi Čhib Slovensko 2021

⁵⁵ E phuv pes rozďelinela le losoha a pal o kmeňi la chudena.

4. Mojžišoskro 26:55 ပူးပေါင်းရင်းမြစ်များ

Prislovja 16:33

O manuša roden prekal o losos so te kerel, ale o RAJ phenel, so pes ačhela.

Prislovja 18:18

O losos zaačhavel e vika a maškar o zorale manuša anel o smirom.

Ezechiel 47:22

Le losoha tumenge rozďelinen e ďeďično phuv prekal tumende the prekal o cudzinci, so bešen tumenca, savenge uľon o čhave. Ľikeren len avke sar tumare Izraeliten, so uľile maškar tumende. On chudena jekhetane tumenca le losoha e ďeďično phuv maškar o kmeňi le Izraeloskre.

4. Mojžišoskro 26:56

Le losoha pes rozďelinela andro ďeďictvos maškar o bareder the cikneder kmeňi.“

4. Mojžišoskro 33:54

Rozďelinen odi phuv sar ďeďictvos maškar tumare kmeňi the maškar tumare fameliji le losoha. La bareder famelijake dena bareder phuv a la cikneder famelijake dena cikneder phuv sar ďeďictvos. Pre kaste savi phuv avela avri le losoha, odi ela leskri.

4. Mojžišoskro 34:13

Paloda o Mojžiš diňa le Izraelitenge kada prikazis: „Prekal o losos tumenge rozďelinen sar ďeďictvos kadi phuv, so o RAJ prikazinďa te del le eňa the jepaš kmeňenge.

4. Mojžišoskro 36:2

Phende leske: „Rajeja, o RAJ tuke prikazinďa, hoj le losoha te rozďelines le Izraelitenge e phuv sar ďeďictvos. O RAJ tuke prikazinďa, hoj e phuv amare phraleskri le Celofchadoskri te des leskre čhajenge.

Skutki 1:26

Avke len dine losi a o losos peľa pro Maťej, savo sas imar rachimen paš o dešujekh (11) apoštola.

Kološanenge 1:12

te paľikeren le Dadeske, savo tumendar kerďa ajsen, save šaj chuden o kotor andro ďeďictvos maškar le Devleskre manuša andro kraľišagos le švetloskro.

Jozua 11:23

O Jozua zaiľa odi caľi phuv avke, sar le Mojžišoske prikazinďa o RAJ. O Jozua diňa kadi phuv le Izraelitenge sar ďeďictvos, dojekhe kmeňoske diňa leskro kotor. Avke le manušen andre odi phuv sas smirom le maribnastar.

Jozua 14:2

O ďeďictvos chudle prekal o losos o eňa the jepaš kmeňi, avke sar oda prikazinďa o RAJ prekal o Mojžiš.

Jozua 17:14

Andre jekh džives le Jozefoskre čhave – o kmeňi Menaše the Efrajim – phende le Jozuaske: „Soske amen diňal sar ďeďictvos ča ajci sikra phuva? Se amen sam baro narodos, bo o RAJ amen dži akana požehňinelas.“

Jozua 18:6

Zapisinen andre o efta kotora ola phuvakre a anen oda ke mande. Me tumenge čhivava o losos anglo RAJ, amaro Del.

Jozua 19:1

O dujto losos peľa pro kmeňos le Šimeonoskro pal leskre fameliji. Lengro ďeďictvos sas maškar o phuva le Judaskre.

Jozua 19:10

O trito losos peľa pro kmeňos Zebulun pal leskre fameliji: Lengri phuv sas dži ko Sarid.

Jozua 19:17

O štarto losos peľa pro kmeňos Jisachar pal leskre fameliji.

Jozua 19:24

Pandžto losos peľa pro kmeňos Ašer.

Jozua 19:32

O šovto losos peľa pro kmeňos Naftali pal leskre fameliji.

Jozua 19:40

O eftato losos peľa pro kmeňos Dan pal leskre fameliji.