4. Mojžišoskro 24:10 - Le Devleskero Lav Andre Romaňi Čhib Slovensko 2021

¹⁰ Sar šunďa kala lava o Balak, choľisaľiľa pro Balaam a demaďa pes choľatar andro vast. Paľis phenďa le Balaamoske: „Vičinďom tut te prekošel mire ňeprijaťeľen a tu len imar trival žehňines!

4. Mojžišoskro 24:10 ပူးပေါင်းရင်းမြစ်များ

Nehemiaš 13:2

Se na dine chaben aňi paňi le Izraeliten, sar avenas andral o Egipt, ale bičhade pre lende le Balaam, hoj len te prekošel, ale amaro Del oda prekošiben čerinďa pro požehnaňje.

O Job 27:23

Odi balvaj tapčinela peskre vastenca, hoj lestar te asal; kerela leske ladž, sar denašela pal peskro than.“

Ezechiel 21:14

„Manušeja, prorokin a phen lenge: ‚Kada phenel o Adonaj: E šabľa, e šabľa imar hiňi ostrarďi a lešťimen avri;

Ezechiel 21:17

Manušeja, rov, ker vika, a cirde tuke o bala žaľatar, bo e šabľa avel pre mire manuša the pre savore vodci andro Izrael; ena čhide angle šabľa jekhetane mire manušenca.

Ezechiel 22:13

Vašoda demavava choľaha le vasteha pre tiro napačivalo barvaľipen, so tuke kerďal, the pro murdaripen, so pes kerelas andre tu.

4. Mojžišoskro 22:11

‚Andral o Egipt avle avri o manuša a zaučharde miri phuv. Akana av, prekoš len! Talam len domarava a tradava len het.‘ “

4. Mojžišoskro 22:17

Počinava tuke igen mištes a kerava savoro, so mange pheneha. Av a prekoš kale manušen!‘ “

4. Mojžišoskro 22:6

Vašoda av a prekoš len, bo on hine zoraleder sar me. Šaj el, hoj len paľis domarava a tradava len avri andral miri phuv. Džanav, hoj oda, kas požehňineha, ela požehňimen, a kas prekošeha, ela prekošlo.“

4. Mojžišoskro 23:11

Paloda o Balak phenďa le Balaamoske: „So mange kerďal? Anďom tut, hoj mire ňeprijaťeľen te prekošes, a tu lenge ča žehňines!“

4. Mojžišoskro 24:11

Dža adarik het! Phenďom, hoj tut mištes počinava, ale tiro RAJ oda na domukľa.“

4. Mojžišoskro 24:9

O Izrael odpočovinel sar o ľevos; sar sovel, ňiko les na uštavela. Oda, ko žehňinela kale narodoske, ela požehňimen! Ko les prekošela, ela prekošlo!“

Skutki 11:10

Kada savoro pes ačhiľa trival a paľis sas savoro pale ilo upre andro ňebos.

5. Mojžišoskro 23:6

Ale o RAJ, tumaro Del, na kamľa te šunel avri le Balaam, ale visarďa oda prekošiben pro požehnaňje, bo o RAJ, tumaro Del, tumen kamel.