4. Mojžišoskro 20:11 - Le Devleskero Lav Andre Romaňi Čhib Slovensko 2021

¹¹ O Mojžiš hazdňa e paca andro vast a duvar demaďa pre skala. Avľa avri andral late igen but paňi a savore manuša the dobitkos pile olestar.

4. Mojžišoskro 20:11 ပူးပေါင်းရင်းမြစ်များ

1. Kronicko 15:13

Bo angloda pes oda kerelas bijal tumende, Levitale, a vašoda o RAJ, amaro Del, pre amende domukľa e pohroma, bo na phučahas lestar, sar oda te kerel pal oda, so hin pisimen.“

1. Kronicko 15:2

A phenďa: „Ňiko našťi ľidžal le Devleskri archa, ča o Leviti. Bo len peske o RAJ kidňa avri, hoj la te hordinen a te keren paš late e služba pro furt.“

Žalmi 105:41

Phundraďa e skala a avľa avri pherdo paňi, čuľalas sar e jarka pre pušťa.

Žalmi 114:8

savo čerinel e skala pro jazeros a o kremeňis pro prameňa le paňengre.

Žalmi 74:15

Phundraďal o prameňis the o prudi le paňeskre; šučarďal avri o paňa, so furt čuľan.

Žalmi 78:15

Pharaďa e skala pre pušťa a diňa len but paňi dži telal e phuv,

Žalmi 78:16

anďa avri o potoki andral e skala a o paňa diňa te džal prudoha.

Žalmi 78:20

He, ov demaďa pal e skala avke, hoj džanas o paňa a strikinenas o potoki, ale šaj dela the maro? Šaj dela the mas peskre manušen?“

2. Mojžišoskro 17:6

Ode ačhava angle tu pre skala, pro verchos Choreb. Sar demeha pal e skala, avela andral avri o paňi, hoj o manuša te pijen.“ Avke o Mojžiš kada kerďa anglo izraelika vodci.

Izajaš 43:19

Dikh, akana kerav neve veci! Imar oda avel avri; či oda na dikhen? He, kerav o drom pre pušťa a dav o prudi le paňengre pre avrišuki phuv.

Izajaš 48:21

Sar len o RAJ ľidžalas pal e pušťa, na cerpinenas smedos; ov diňa, hoj lenge o paňi te džal andral e skala, pharaďa e skala pre jepaš a demaďa avri o paňi.

Hozeaš 13:5

Starinavas man pal tu pre pušťa, andre avrišuki phuv.

3. Mojžišoskro 10:1

Le Aronoskre čhave o Nadab the o Abihu ile peskre lopatki pro kaďidlos, ile andre e jag, thode upre o kaďidlos a obetinde le RAJESKE cudzo jag, savi lenge na prikazinďa.

4. Mojžišoskro 20:8

„Le e paca a tire phraleha le Aronoha zvičin savore manušen. Prevakeren ke skala angle lende a avela andral late avri o paňi. Avke lenge aneha avri paňi andral e skala, hoj te pijen o manuša the o dobitkos.“

Matuš 28:20

a sikaven len te doľikerel savoro, so tumenge prikazinďom. Dikhen, me som tumenca sako džives, medik na ela o koňec le svetoskro.“

1. Korinťanenge 10:4

a savore pijenas oda jekh duchovno pijiben, bo pijenas andral e duchovno skala, so džalas pal lende – a odi skala sas o Kristus.

5. Mojžišoskro 8:15

Ov tumen ľidžalas pal e bari the strašno pušťa, kaj hine o jedovata sapa the o škorpijona, the pal o šuko than bi o paňi a diňa tumen o paňi andral e zoraľi skala.

Jakob 1:20

Bo o manuš andre choľi na kerel oda spravodľišagos, so kamel o Del.

Sudcengro 15:19

Akor o Del phundraďa chev andro Lechi a demaďa avri o paňi. Sar o Samson piľa, prekerďa pes a avľa ke peste. Vašoda le paňeske, so hin dži adadžives andro Lechi, diňa nav En-Hakore.

1. Samueloskro 15:19

Soske na šunďal le RAJES, ale chučiľal pre korisť a kerďal oda, so nane le RAJESKE pre dzeka?“

1. Samueloskro 15:24

O Saul phenďa le Samueloske: „He, kerďom binos. Na doľikerďom o prikazaňje le RAJESKRO aňi tiro. Kerďom oda, so kamenas mire murša, bo daravas lendar.