4. Mojžišoskro 19:8 - Le Devleskero Lav Andre Romaňi Čhib Slovensko 2021

⁸ The oda dženo, ko la gurumňa zlabarďa, peske mušinel te rajbinel o gada a te thovel pes andro paňi, ale the avke dži rači ela nažužo.

4. Mojžišoskro 19:8 ပူးပေါင်းရင်းမြစ်များ

3. Mojžišoskro 11:25

Te vareko preľigenela lengre zdochlini, mušinel peske te rajbinel o gada a ela nažužo dži rači.

3. Mojžišoskro 16:28

Oda murš, so len labarela, peske mušinela te rajbinel o gada a te lanďol andro paňi. Paľis šaj avel andro taboris.

3. Mojžišoskro 17:15

Sako, či o Izraelitas abo o cudzincos, ko chaľahas ajse džviros, so murdaľiľa, abo ajses, so sas rozchalo avre džvirostar, peske mušinel te rajbinel o gada, te lanďol andro paňi a ela nažužo dži rači. Paľis ela žužo.

4. Mojžišoskro 19:21

Kada ela zakonos pro furt. The oda, ko kropinela ole paňeha, rajbinela peske o gada, bo ko pes chudela ole paňestar pro obžužaripen, ela nažužo dži rači.

4. Mojžišoskro 19:7

O rašaj šaj džal andro taboris ča akor, sar peske rajbinela o gada a calo pes thovela (omorela). No the avke dži rači ela nažužo.

4. Mojžišoskro 19:9

Paľis varesavo murš, so hino žužo, skidela o prachos la gurumňakro, so zlabiľa pre jag, a thovela les pal o taboris pro žužo than. Ode ela odthodo prekal o Izraeliti, hoj lestar te keren o paňi pro obžužaripen, bo e gurumňi hiňi obeta vaš o binos.