4. Mojžišoskro 13:31 - Le Devleskero Lav Andre Romaňi Čhib Slovensko 2021

³¹ Ale okla džene, save sas leha te predikhel e phuv, phenenas: „Našťi pes lenca džas te marel, bo hine zoraleder sar amen.“

4. Mojžišoskro 13:31 ပူးပေါင်းရင်းမြစ်များ

4. Mojžišoskro 13:30

Ale o Kaleb kamelas, hoj te preačhen te vakerel ola manuša, save reptinenas pro Mojžiš, a phenďa: „Aven džas pre lende a zalas odi phuv! Amen len domaraha!“

4. Mojžišoskro 32:7

Soske keren tele e dzeka le Izraelitenge, hoj te na džan andre phuv, savi lenge diňa o RAJ?

4. Mojžišoskro 32:9

On avle dži andre dolina Eškol, predikhle odi phuv, ale paľis le Izraelitenge kerde avke tele e dzeka, hoj na kamle te džal andre odi phuv, savi lenge diňa o RAJ.

5. Mojžišoskro 1:28

Kaj oda amen džas? Daras pes, bo amare phrala amenge kerde tele e dzeka, sar phende: „O manuša ode hine zoraleder the učeder amendar a lengre fori hine zorale the ohradzimen dži o ňebos. Dikhľam ode the le obren, le Anakoskre potomken.“ ‘

5. Mojžišoskro 9:1

„Šun, Izraelona, adadžives predžaha prekal o Jordan, hoj te zňičines le naroden, so hine tutar bareder the zoraleder, a te zales lengre fori, so hine zorale the ohradzimen dži o ňebos.

Židenge 3:19

Avke dikhas, hoj našťi gele andro odpočinkos, bo na pačanas.

Jozua 14:8

Mire phrala, so manca džanas, darade avri le manušen. Ale me man ľikeravas le RAJESTAR, mire Devlestar.

1. Samueloskro 17:33

„Na,“ odphenďa o Saul, „našťi tut leha mares, se tu sal mek ternoro a ov pes marel imar ciknovarbastar.“