4. Mojžišoskro 13:26 - Le Devleskero Lav Andre Romaňi Čhib Slovensko 2021

²⁶ Avle ko Mojžiš, Aron the Izraeliti andro Kadeš pre pušťa Paran. Phende lenge, so ode dikhle, a sikade o ovocje, so odarik ande.

4. Mojžišoskro 13:26 ပူးပေါင်းရင်းမြစ်များ

1. Mojžišoskro 14:7

Paľis pes visarde a doavle ko En-Mišpat – oda hin ko Kadeš – a zviťazinde upral caľi phuv le Amalekengri the upral o Amorejčana, save dživenas andro Chacecon-Tamar.

Žalmi 29:8

O hangos le RAJESKRO razinel la pušťaha; o RAJ razinel la pušťaha Kadeš.

4. Mojžišoskro 13:25

Saranda (40) dživesa predikhenas odi phuv a paľis avle pale.

4. Mojžišoskro 13:3

O Mojžiš kerďa avke, sar leske prikazinďa o RAJ, a bičhaďa pal e pušťa Paran dešuduje (12) vodcen andral o Izrael.

4. Mojžišoskro 20:1

Ešebno čhon avle savore Izraeliti pre pušťa Sin a kerde peske taboris andro Kadeš. E Mirijam ode muľa a sas parunďi.

4. Mojžišoskro 20:14

O Mojžiš bičhaďa andral o Kadeš le poslen ko edomiko kraľis. Phende leske: „Kada tuke phenel tiro phral o Izrael: Tumen džanen pal savore pharipena, so pes amenge ačhile.

4. Mojžišoskro 20:16

vašoda amen vičinahas ko RAJ, hoj amenge te pomožinel. Šunďa avri amaro roviben a bičhaďa amenge aňjelos, savo amen iľa avri andral o Egipt. Akana sam paš o Kadeš, so hin o foros pre hraňica paš tiri phuv.

4. Mojžišoskro 32:8

Kavke kerenas the tumare dada, sar len bičhaďom andral e Kadeš-Barnea, hoj te predikhen e phuv.

4. Mojžišoskro 32:9

On avle dži andre dolina Eškol, predikhle odi phuv, ale paľis le Izraelitenge kerde avke tele e dzeka, hoj na kamle te džal andre odi phuv, savi lenge diňa o RAJ.

4. Mojžišoskro 33:36

Andral o Ecjon-Geber odgele a kerde peske taboris paš o Kadeš pre pušťa Sin.

5. Mojžišoskro 1:19

„Paľis pes mukľam te džal dureder le verchostar Choreb a phirahas pal odi bari the strašno pušťa, sava dikhľan pro drom, sar džahas ko Amorejika brehi, avke sar amenge oda prikazinďa o RAJ, amaro Del, a dogeľam dži paš e Kadeš-Barnea.

5. Mojžišoskro 1:2

O drom le Chorebostar dži paš e Kadeš-Barnea, so džal prekal o brehi le Seiroskre andre phuv Edom, ľikerel dešujekh (11) džives.

Jozua 14:6

Sar sas o Izraeliti mek andro Gilgal, avle ko Jozua o manuša andral o kmeňos Juda. O Kaleb, o čhavo le Jefunoskro andral e keniziko famelija, leske phenďa: „Tu džanes mištes, so pal ma the pal tu phenďa o RAJ le Devleskre manušeske le Mojžišoske andre Kadeš-Barnea.

Jozua 14:7

Sas mange saranda (40) berš, sar man o Mojžiš, o služobňikos le RAJESKRO, bičhaďa andral e Kadeš-Barnea, hoj te predikhav e phuv. Me leske phenďom o čačipen pal oda, so dikhľom.