4. Mojžišoskro 1:4 - Le Devleskero Lav Andre Romaňi Čhib Slovensko 2021

⁴ Andral dojekh kmeňos tumenge mi pomožinel jekh famelijakro vodcas.

4. Mojžišoskro 1:4 ပူးပေါင်းရင်းမြစ်များ

1. Kraľengro 8:1

Akor o Šalamun zvičinďa ke peste andro Jeruzalem savore izraelike vodcen le dojekhe kmeňostar the fajtatar, hoj te anen e archa le RAJESKRI andral o Foros le Davidoskro – andral o Sion – andro Chramos.

2. Mojžišoskro 18:21

Kide tuke avri savore manušendar ajse muršen, save hine goďaver the pačivale, save pes daran le Devlestar a na dena pes te prepočinel. Ačhav len vodcenge upral o manuša; ačhav vodcen upral o ezeros, šel, penda the deš.

2. Mojžišoskro 18:25

Avke peske o Mojžiš andral calo Izrael kidňa avri muršen, save sas goďaver a ačhaďa len vodcenge upral o manuša; vodcenge upral o ezeros, šel, penda the deš.

4. Mojžišoskro 1:16

Kala savore sas avrikidle sar vodci upral peskre kmeňi.

4. Mojžišoskro 1:44

Kalen zgende o Mojžiš the o Aron jekhetane le dešuduje vodcenca, dojekhes pal peskro kmeňos.

4. Mojžišoskro 17:3

Mi len o lopatki ole manušengre, save počinde peskre dživipnaha vaš o binos, a mi rovňinen avri o bľachi ole lopatkengre. Paľis ole bľachenca mi obthoven o oltaris. Ande o lopatki anglo RAJ, vašoda hine sveta. Kada ela le Izraelitenge o znameňje, hoj te na bisteren.“

4. Mojžišoskro 25:14

O Izraelitas, saves murdarďa jekhetane la midijaňika džuvľaha, sas o Zimri, le Saluoskro čhavo, savo sas fajtakro vodcas andro kmeňos Šimeon.

4. Mojžišoskro 25:4

Avke o RAJ phenďa le Mojžišoske: „Le kale manušengre vodcen, angle ma len murdar a thov len te ačhel pro kham, hoj miri choľi te oddžal le Izraelostar.“

4. Mojžišoskro 30:1

O Mojžiš phenďa le Izraelitenge savoro, avke sar leske prikazinďa o RAJ.

4. Mojžišoskro 4:34

Avke sar o RAJ prikazinďa, o Mojžiš, o Aron the o vodci zgende le muršen andral le Kohatoskre fameliji the fajti

4. Mojžišoskro 7:2

Paľis o izraelika vodci ande o dari; on sas o famelijengre vodci upral o kmeňi, savenge sas dino, hoj te zgenen le manušen.

5. Mojžišoskro 1:15

Avke tumen ke ma anďan ole skušimen the goďavere muršen a me len ačhaďom vodcenge upral o ezeros, upral o šel, upral o penda the upral o deš murša. Ačhaďom the le kmeňengre vodcen.

Jozua 22:14

Bičhade leha le deše vodcen, po jekhes andral dojekh kmeňos. Dojekh sas o vodcas jekha famelijake andral o Izrael.