3. Mojžišoskro 8:31 - Le Devleskero Lav Andre Romaňi Čhib Slovensko 2021

³¹ Avke phenďa o Mojžiš le Aronoske the leskre čhavenge: „Taven o mas paš o vudar le stanoskro a chan les ode le mareha pro posveťeňje le rašajengro, so hin andro košaris, sar oda prikazinďom: ‚Mi chal oda o Aron the leskre čhave.‘

3. Mojžišoskro 8:31 ပူးပေါင်းရင်းမြစ်များ

3. Mojžišoskro 10:17

„Soske na chaľan e obeta vaš o binos pro sveto than? Bo hiňi igen sveto a o RAJ la tumenge diňa, hoj te len tele e vina pal savore manuša a hoj te počinen vaš lengre bini anglo RAJ.

3. Mojžišoskro 7:15

O mas pal e smiromoskri obeta pes mušinel te chal andre oda džives, sar hino obetimen. Našťi lestar ačhel ňič dži tosara.

O Evaňjelium le Janoskro 6:33

Bo le Devleskro maro hin oda, ko avel tele andral o ňebos a del le svetos dživipen.“

O Evaňjelium le Janoskro 6:35

O Ježiš odphenďa: „Me som oda maro, so del o dživipen, ko avela ke mande, na ela šoha bokhalo, a ko andre mande pačala, šoha na ela smedno.

O Evaňjelium le Janoskro 6:51

Me som oda džido maro, so avľa tele andral o ňebos. Te vareko chala ole marestar, dživela furt. Oda maro hin miro ťelos, savo me dava vaš o dživipen le svetoskro.“

Galaťanenge 2:20

Imar na dživav me, ale dživel andre ma o Kristus. A oda dživipen, so akana dživav andro ťelos, dživav andro pačaben andro Čhavo le Devleskro, savo peske man zakamľa a diňa pes korkores vaš ma.