3. Mojžišoskro 6:21 - Le Devleskero Lav Andre Romaňi Čhib Slovensko 2021

²¹ Te pes o mas tavela andre čikakri piri, musaj la te phagerel. Te pes tavela andre brondzuňi piri, žužarela pes la avri a chelavela andro paňi.

3. Mojžišoskro 6:21 ပူးပေါင်းရင်းမြစ်များ

1. Kronicko 23:29

Mušinenas pes te starinel pal o sveta mare, pal o nekfeder aro pre chabeneskri the peki obeta the pal o mare bi o kvasos. Mušinenas te mišinel o aro le olejoha a mek te merinel a te važinel o obeti.

1. Kronicko 9:31

O Levitas o Matitijah, o nekphureder čhavo le Šalumoskro le Korachoskra fajtatar, sas ačhado, hoj te pekel o sveta mare.

3. Mojžišoskro 11:33

Te vareso olestar peľahas andre nadoba čikatar, savoro, so andre hin, ačhela melalo a e nadoba kampel te phagerel.

3. Mojžišoskro 15:12

E nadoba čikatar, savatar pes chudňa oda, kastar džal o vitok, kampel te phagerel a savore kaštune nastroji te žužarel andro paňi.

3. Mojžišoskro 2:5

Te ela tiro daros e chabeneskri obeta olestar, so sas peko pre tepša, ela oda le nekfeder arestar mišimen le olejoha bi o kvasos.

3. Mojžišoskro 6:22

Kala obetatar šaj chal dojekh murš le rašajendar; hiňi igen sveto.

3. Mojžišoskro 7:12

Te la vareko obetinel sar e paľikeribnaskri obeta, mi anel paše o mare bi o kvasos mišimen le olejoha, o marikľa makhle le olejoha the o mare le nekfeder arestar mištes premišimen le olejoha.

3. Mojžišoskro 7:9

The dojekh chabeneskri obeta, so sas peki andro bov, the savoro, so sas pripravimen pre tepša abo pre panvica, ela le rašaskri, savo la obetinďa.