3. Mojžišoskro 4:35 - Le Devleskero Lav Andre Romaňi Čhib Slovensko 2021

³⁵ Paľis čhinela avri savoro lakro žiros avke, sar pes oda kerel le bakrane žiroha paš e smiromoskri obeta, a labarela oda pro oltaris sar e jagaľi obeta le RAJESKE. Kavke kerela o rašaj vaš o binos ole manušeskro e obeta pro zmjereňje vaš leskro binos a ela leske odmuklo.‘ “

3. Mojžišoskro 4:35 ပူးပေါင်းရင်းမြစ်များ

3. Mojžišoskro 12:8

Ale te la nane pre oda, hoj te obetinel bakrores, akor mi lel duje hrdličken abo duje holuben, jekhes pre labarďi obeta a jekhes pre obeta vaš o binos. O rašaj anela e obeta a oleha la obžužarela anglo Del a ela žuži.‘ “

3. Mojžišoskro 14:18

Oka olejos, so leske ačhiľa, makhela tele pal e burňik pro šero ole manušeske, savo pes obžužarel. Kavke les o rašaj obžužarela anglo RAJ.

3. Mojžišoskro 14:53

Le džide čirikles mukela avri andral o foros pre maľa. Kavke o rašaj obžužarela oda kher a ela žužo.“

3. Mojžišoskro 15:15

O rašaj anela jekh pre obeta vaš o binos a dujto pre labarďi obeta. Kavke o rašaj anglo RAJ obžužarela ole manušes, savestar džalas o vitok.

3. Mojžišoskro 19:22

Paľis o rašaj le bakreha pre obeta vaš e vina anglo RAJ počinela vaš o binos, so kerďa. A o binos pes leske odmukela.

3. Mojžišoskro 4:20

Kale bikoha kerela avke, sar kerďa ole bikoha pre obeta vaš o binos. Kavke kerela o rašaj e obeta, savaha pes počinela vaš ole manušengro binos, a ela lenge odmuklo.

3. Mojžišoskro 4:26

Savoro žiros labarela pro oltaris avke sar o žiros pal e smiromoskri obeta. Kavke kerela o rašaj e obeta pro zmjereňje vaš o binos ole vodcaskro a ela leske odmuklo.‘ “

3. Mojžišoskro 5:10

Dujtone čirikles obetinela sar labarďi obeta, avke sar sas prikazimen. Kavke o rašaj la obetaha počinela vaš ole manušeskro binos a ela leske odmuklo.

3. Mojžišoskro 5:13

Kavke o rašaj la obetaha počinela vaš oda manuš, so kerďa binos andre varesoste kale vecendar, a ela leske odmuklo. Oda, so la obetatar ačhela, ela prekal o rašaj avke sar paš e chabeneskri obeta.‘ “

3. Mojžišoskro 5:6

Mi anel le RAJESKE e obeta vaš o binos, so kerďa, la samica le stadostar – či le bakrorendar abo le kozendar. Kavke o rašaj la obetaha počinela vaš ole manušeskro binos.

3. Mojžišoskro 6:7

„ ‚Kada hin o zakonos pal e chabeneskri obeta. O čhave le Aronoskre la anena anglo RAJ anglo oltaris.

3. Mojžišoskro 9:7

Paľis o Mojžiš phenďa le Aronoske: „Dža paš o oltaris, obetin tiri obeta vaš o binos the tiri labarďi obeta, hoj pes te odmukel tire the le manušengre bini. Obetin the o daros le manušengro, hoj pes te odmukel lengre bini, avke sar oda prikazinďa o RAJ.“

4. Mojžišoskro 15:25

Te o rašaj anela kala obeti vaš savore Izraeliti, ela lenge odmuklo o binos, bo oda na kamle te kerel, a vaš peskro nalačhipen ande le RAJESKE e labarďi obeta the e obeta vaš o binos.

4. Mojžišoskro 15:28

O rašaj obetinela la koza pro oltaris, hoj te obžužarel le manušes le binostar, so na kamľa te kerel, a paľis ole dženeske ela odmuklo.

Rimanenge 10:4

Se o Kristus hin o koňec le zakonoskro, hoj sako, ko pačala, te avel spravodľivo anglo Del.

Rimanenge 4:25

Bo ov sas dino, hoj te merel vaš amare bini, a sas uštado andral o meriben, hoj te avas ospravedlňimen.

Rimanenge 8:1

Akana imar nane ňisavo odsuďeňje prekal ola, ko hine andro Ježiš Kristus.

2. Korinťanenge 5:21

Bo o Del thoďa pre oda, ko na prindžarelas o binos, savore amare bini, hoj andro Kristus amen te avas čačipnaskre anglo Del.

Efežanenge 5:2

Dživen andro kamiben avke sar o Kristus amen kamelas a diňa pes korkores sar daros the sar obeta, so šukares voňinelas a hiňi pre dzeka le Devleske.

Kološanenge 1:14

Andre leste sam avricinde [prekal leskro rat] a o bini amenge hin odmukle.

Židenge 1:3

Le Devleskri slava avel avri prekal o Čhavo a o Čhavo hino ipen ajso sar o Del. Ov savoro ľikerel peskre zorale laveha. Sar dokerďa oda, hoj obžužarďa le manušen le binendar, bešľa peske andro ňebos pal e čači sera le Nekzoraledere Devleske.

Židenge 4:14

Vašoda ľikeras zoraha o pačaben, so viznavinas. Bo hin amen o Nekbareder Rašaj, savo geľa andro ňebos dži paš o Del – o Ježiš, o Čhavo le Devleskro.

Židenge 7:26

Se oda the kampelas, hoj amen te avel ajso Nekbareder Rašaj – sveto, bi e chiba, bi o binos, odďelimen le binošnendar a uprehazdlo upral o ňebi.

Židenge 9:14

ta keci buter o rat le Kristoskro amenge žužarela o svedomje andral o mule skutki! Bo o Ježiš anďa pes korkores sar dokonalo obeta le Devleske prekal e zor le večne Duchoskri, hoj te šaj služinas le džide Devleske.

1. Peter 2:22

Ov šoha na kerďa binos, aňi o klamišagos šoha na sas andre leskro muj.

1. Peter 2:24

Ov korkoro ľigenďa amare bini peskre ťeloha pro kerestos, hoj amen te meras le binenge a te dživas le čačipnaske. Leskre ranenca sasťiľan avri.

1. Peter 3:18

Se the o Kristus cerpinelas jekhvar a pro furt, o spravodľivo vaš o ňespravodľiva, hoj tumen te anel ko Del. Sas murdardo andro ťelos, ale obdžiďardo andro Duchos.

1. Jan 1:7

Ale te phiras andro švetlos avke, sar ov hino andro švetlos, akor sam jekhetane jekh avreha anglo Del a o rat le Ježišoskro, leskre Čhaskro, amen obžužarel andral dojekh binos.

1. Jan 2:2

Prekal leskri obeta amenge hin odmukle o bini – no, na ča amenge, ale the cale svetoske.