3. Mojžišoskro 4:2 - Le Devleskero Lav Andre Romaňi Čhib Slovensko 2021

² „Phen le Izraelitenge, so mušinena te kerel, sar vareko kerela binos, savo na gondoľinelas te kerel, a kerela oda, so zakazinel varesavo prikazis le RAJESKRO.“

3. Mojžišoskro 4:2 ပူးပေါင်းရင်းမြစ်များ

1. Mojžišoskro 20:9

O Abimelech vičinďa le Abraham a phenďa leske: „S'oda tu amenge kerďal? So tut kerďom ajso nalačho, hoj anďal pre mande the pre miro kraľišagos kajso baro binos? Kerďal mange vareso, so na kampľa te kerel!“

Žalmi 19:12

Den goďi tire služobňikos; oles, ko len doľikerel, užarel baro počiňiben.

Žalmi 19:13

Ale ko dikhel peskre chibi? Odmuk mange the o bini, savendar na džanav.

Kazaťeľis 5:6

Kaj hin but sune, ode hin the but zbitočna lava. Vašoda dara tut le Devlestar!

3. Mojžišoskro 22:14

Te vareko chaľahas le svete obetendar, ale na džanelas olestar, dela pale le rašaske ola obetakre dari a paš oda mek dothovela biš (20) percent.

3. Mojžišoskro 4:1

O RAJ phenďa le Mojžišoske:

3. Mojžišoskro 4:13

„ ‚Te savore Izraeliti kerena varesavo nalačhipen, so na gondoľinenas te kerel, a na doľikerena jekh le RAJESKRE prikazaňjendar, kajte pal oda na džanenas, hin len vina.

3. Mojžišoskro 4:22

„ ‚Te o vodcas kerela binos, so na gondoľinelas te kerel, a na doľikerela varesavo prikazaňje le RAJESKRO, peskre Devleskro, hin les vina.

3. Mojžišoskro 4:27

„ ‚Te vareko le manušendar kerela binos, so na gondoľinelas te kerel, a na doľikerela jekh le RAJESKRE prikazaňjendar, hin les vina.

4. Mojžišoskro 35:11

kiden avri o fori, andre save pes o manuš šaj garuvel, te varekas murdarel, ale na kamľa.

5. Mojžišoskro 19:4

Kavke oda ela oleha, ko varekas murdarela: Sar ode denašela, šaj ačhel te dživel, te pes leske ačhiľa, hoj murdarďa avre dženes, ale na kamľa a ov na sas leskro ňeprijaťeľis.

1. Timoteoske 1:13

man, savo pre leste varekana namištes vakeravas, džavas pre leste a dukhavavas les. Ale o Del sas ke mande lačhejileskro, bo mek na somas andro pačaben a na džanavas, so kerav.

Židenge 5:2

Vašoda, hoj the ov korkoro hino slabo, šaj avel kovlo andro jilo ke ola manuša, save aňi na džanen, hoj keren namištes, a bludzinen.

Židenge 9:7

ale andre oda dujto than džalas ča o nekbareder rašaj jekhvar beršeste, no ča le rateha, so anelas vaš peske the vaš o bini le manušengre, so kerenas a na džanenas, hoj oda hin bini.

Jakob 3:10

Andral oda jekh muj avel avri o lašariben the o košiben. Našťi oda avke avel, phralale mire!

1. Samueloskro 14:27

Ale o Jonatan pal oda na džanelas, hoj leskro dad thoďa vera pro murša. Iľa e paca, so leste sas andro vast, a lakre agoreha ispidňa andro medos a koštoľinďa les. Takoj leske švicisaľile o jakha.