3. Mojžišoskro 4:15 - Le Devleskero Lav Andre Romaňi Čhib Slovensko 2021

¹⁵ O vodci le manušengre thovena o vasta pro šero le bikoske anglo RAJ a paľis ela oda bikos murdardo anglo RAJ.

3. Mojžišoskro 4:15 ပူးပေါင်းရင်းမြစ်များ

2. Kronicko 29:23

Paľis ande sar obeta vaš o binos le capen anglo kraľis the angle savore manuša, a thode pre lende o vasta.

2. Mojžišoskro 24:1

Paľis o RAJ le Mojžišoske phenďa: „Aven ke ma upre pro verchos tu, o Aron, o Nadab, o Abihu the o eftavardeš (70) izraelika vodci a dural tumen mange klaňinena a lašarena man.

2. Mojžišoskro 24:9

Paľis gele pro verchos o Mojžiš, o Aron, o Nadab, o Abihu the o eftavardeš (70) izraelika vodci

3. Mojžišoskro 1:3

Te vareko kamela te obetinel e labarďi obeta le gurumňendar, mi anel le bikos bi e chiba. Anela les paš o vudar paš o Svetostankos, hoj te arakhel milosť andro jakha le RAJESKRE.

3. Mojžišoskro 1:4

Thovela o vast pro šero le džviroske, savo ela obetimen sar e labarďi obeta, a odi obeta ela priiľi sar o počiňiben vaš leskro binos.

3. Mojžišoskro 16:21

O Aron thovela soduj vasta pre le caposkro šero, viznavinela upral leste savore bini le Izraelitengre, savore lengre nalačhipena the savore lengre vini. Avke thovela savoro pre le caposkro šero a dela les ole muršeske, so hino pre oda avrikidlo, hoj les te ľidžal het pre pušťa.

3. Mojžišoskro 4:16

Paľis o nekbareder rašaj anela sikra le bikoskre ratestar andro Svetostankos,

3. Mojžišoskro 4:4

Anela le bikos paš o vudar paš o Svetostankos, thovela o vast pro šero le bikoske a murdarela les anglo RAJ.

3. Mojžišoskro 8:14

Paľis diňa te anel le bikos pre obeta vaš o binos a o Aron peskre čhavenca thode o vasta pro šero le bikoske.

3. Mojžišoskro 8:18

Paľis phenďa, hoj te anen le bakres pre labarďi obeta. O Aron the leskre čhave thode o vasta pro šero le bakreske

3. Mojžišoskro 8:22

Avke anďa le dujte bakres, savo pes obetinela pre oda, hoj pes te pošvecinel le rašajen andre služba, a o Aron the leskre čhave thode o vasta pro šero le bakreske.

4. Mojžišoskro 11:16

Akor o RAJ phenďa le Mojžišoske: „Zvičin eftavardeš (70) vodcen le Izraelitendar, pal save džanes, hoj hine le manušengre vodci. An len ko Svetostankos a mi ačhen ode tuha.

4. Mojžišoskro 11:25

Akor o RAJ avľa andre chmara a prevakerďa ko Mojžiš. Iľa le Duchostar, so sas pro Mojžiš, a diňa le eftavardeš vodcenge. Sar avľa pre lende oda Duchos, prorokinenas – no ča akor, paľis imar na prorokinenas.

4. Mojžišoskro 8:10

A sar len aneha angle ma, o Izraeliti pre lende mi thoven o vasta.

4. Mojžišoskro 8:12

Avke o Leviti mi thoven o vasta pro šere le bikenge. Jekhe bikos obetin sar obeta vaš o bini a dujtes sar labarďi obeta le RAJESKE, hoj te obžužares le Leviten le binendar.