3. Mojžišoskro 27:22 - Le Devleskero Lav Andre Romaňi Čhib Slovensko 2021

²² Te vareko oddela le RAJESKE e maľa, savi varekastar cinďa, savi na chudňa peskra famelijatar sar ďeďictvos,

3. Mojžišoskro 27:22 ပူးပေါင်းရင်းမြစ်များ

3. Mojžišoskro 25:10

Avke pošvecinena o pendato berš a dena te džanel savore manušenge andre tumari phuv, hoj hin e sloboda. Oda ela o Radišagoskro Berš prekal tumende, kana sako chudela pale peskro majetkos a sako, ko sas bikendo sar otrokos, ela premuklo a džala pale paš peskri famelija.

3. Mojžišoskro 25:25

Te vareko le Izraelitendar ačhela čoro a mušinela te bikenel peskri phuv, akor mušinel te avel leskri nekpašeder famelija a te cinel la pale.

3. Mojžišoskro 27:14

Te vareko oddela le RAJESKE peskro kher sar sveto daros, o rašaj phenela, keci hin leskri cena pal oda, savo oda kher hino, či hino lačho abo na. Ajsi cena, savi o rašaj phenela, ajsi ela.

3. Mojžišoskro 27:21

Pro Radišagoskro berš ačhela odi maľa sveto le RAJESKE; ela oddiňi imar pro furt. Ačhela le rašajenge sar lengro majetkos.

3. Mojžišoskro 27:23

akor o rašaj rachinela e cena vaš e maľa dži o Radišagoskro berš a mek oda džives počinela oda manuš le RAJESKE odi cena sar o sveto daros.