3. Mojžišoskro 25:35 - Le Devleskero Lav Andre Romaňi Čhib Slovensko 2021

³⁵ „ ‚Te vareko le Izraelitendar ačhela čoro a na ela les pro chaben, ta pomožinen leske avke, sar oda kerďanas olenge, ko avle te bešel andre tumari phuv, sar cudzinci, hoj te dživen maškar tumende.

3. Mojžišoskro 25:35 ပူးပေါင်းရင်းမြစ်များ

Nehemiaš 5:1

Akor chudle o manuša the o džuvľa igen te vakerel pre okla Židi vaš oda, so kerenas.

Nehemiaš 5:3

Aver vakerenas: „Das amare maľi, o viňici the o khera andre zaloha, hoj amen te den pšeňica andre kadi bari bokh.“

O Job 31:16

Me furt davas le čoren oda, so mandar mangenas, šoha na mukľom la vdova bi e naďej;

Žalmi 112:5

O lačhipen avela pre oda, ko ščirones del kečeň, pre oda, ko kerel o veci čačipnaha.

Žalmi 112:9

Rozčhivel ščirones a del le čore manušen; leskro spravodľišagos ačhela pro furt; leskri zor pes hazdela upre andre slava.

Žalmi 37:26

Furt hin leske pharo vaš avrenge a del len kečeň, leskre čhave ena pro požehnaňje.

Žalmi 41:1

Oleske, ko ľidžal o bašaviben. Le Davidoskro žalmos.

2. Mojžišoskro 22:21

La vdova aňi le široten ma trapinen,

2. Mojžišoskro 22:24

Te deha kečeň varekas čores mire manušendar maškar tumende, ma ľiker tut ke leste sar užerňikos: Ma le lestar buter, ale ča ajci, keci les diňal kečeň.

2. Mojžišoskro 22:25

A te leha varekastar o plašťos sar e zaloha, de leske les pale, medik na zadžala o kham.

2. Mojžišoskro 23:9

Ma trapinen le cudzincos. Džanen mištes, sar pes šunel oda cudzincos, bo korkore sanas cudzinci andro Egipt.

Prislovja 14:31

Ko namištes kerel le čore manušeha, tele dikhel le Devles, savo les kerďa, ale oda, ko le čoreske presikavel o lačhipen, del pačiv le Devles.

Prislovja 17:5

Oda, ko asal le čorestar, tele dikhel le Devles, savo les kerďa; oda, ko radisaľol avrengre pharipnastar, ela mardo.

Prislovja 19:17

Ko pomožinel le čoreske, del kečeň le RAJES a ov leske počinela pale vaš o lačhipen, so kerďa.

3. Mojžišoskro 19:34

Oda cudzo manuš, so bešel tumenca, ela sar jekh tumendar. Kamen les avke sar pes, bo the tumen sanas o cudzinci andro Egipt. Me som o RAJ, tumaro Del.

3. Mojžišoskro 25:25

Te vareko le Izraelitendar ačhela čoro a mušinela te bikenel peskri phuv, akor mušinel te avel leskri nekpašeder famelija a te cinel la pale.

Matuš 25:35

Bo somas bokhalo a diňan man te chal, somas smedno a diňan man te pijel, somas cudzincos a priiľan man,

Marek 14:7

Bo o čore tumenca hine furt a tumen lenge šaj presikaven o lačhipen, kana ča kamen, ale me tumenca furt na avava.

Лукастар 6:35

Ale kamen olen, ko pre tumende džan! Keren lenge o lačhipen, den kečeň a ma užaren pale. Avke ela tumaro počiňiben baro a avena o čhave le Nekbareder Devleskre, bo ov hino lačho the ko nalačhe the ke ola, ko leske na paľikeren.

O Evaňjelium le Janoskro 12:8

Se o čore hine maškar tumende furt, ale me tumenca furt na avava.“

Skutki 11:29

Vašoda pes savore učeňika dovakerde, hoj sako dela ajci, keci šaj, hoj te pomožinen le phralenge andre Judsko.

Rimanenge 12:13

Sthoven tumen pre oda, so kampel le phralenge. Phundraven tumare khera prekal o cudza manuša a den len pačiv.

Rimanenge 12:18

Te pes oda del a te oda hin pre tumende, dživen savore manušenca andro smirom.

Rimanenge 12:20

Vašoda, te hino tiro ňeprijaťeľis bokhalo, de les te chal, a te hino smedno, de les te pijel. Bo te kada kereha, čhiveha leske pro šero o jagale angara.

2. Korinťanenge 8:9

Se prindžaren e milosť amare Rajeskri le Ježišoskri Kristoskri. Sas barvalo, ale prekal tumende ačhiľa čoro, hoj tumen te barvaľon prekal leskro čoripen.

2. Korinťanenge 9:1

Mange na kampel tumenge te pisinel pal e pomoca prekal le Devleskre manuša.

Galaťanenge 2:10

Ča oda amendar mangenas, hoj te na bisteras pro čore, a oda the me kamavas igen te kerel.

5. Mojžišoskro 23:19

Andro Chramos le RAJESKRO, tire Devleskro, ma an sar daros o počiňiben le lubariskro abo la lubňakro, bo o RAJ, tiro Del, ajsen našťi avri ačhel.

Židenge 13:2

Ma bisteren te prilel le hoscen a te presikavel lenge e pačiv, bo avke vareko priile le aňjelen, a aňi olestar na džanenas.

1. Jan 3:17

Te vareko hino barvalo andre kada svetos a dikhel, hoj le phraleske vareso kampel, a phandel angle leste peskro jilo, sar šaj ačhel le Devleskro kamiben andre leste?