3. Mojžišoskro 20:18 - Le Devleskero Lav Andre Romaňi Čhib Slovensko 2021

¹⁸ Te vareko pašľola la džuvľaha akor, sar la hin lakre dživesa, ta odučharela oda than, khatar lake džal o rat, a the oj oda odučharela. Sodujdžene ena tradle het peskre manušendar.

3. Mojžišoskro 20:18 ပူးပေါင်းရင်းမြစ်များ

2. Mojžišoskro 30:33

Te vareko kerela ole koreňjendar ajso olejos, abo pomazinďahas leha varekas, ko nane rašaj, oda manuš ela avritradlo mire manušendar.‘ “

Ezechiel 18:6

Na chal o mas obetimen pro verchi le modlenge aňi na lašarel le Izraelitengre modlen. Na meľarel andre avreskra romňa aňi na džal paš peskri romňi andre lakre dživesa, sar hiňi nažuži.

Ezechiel 22:10

Andre tu kerenas peskre dadenge ladž akor, sar pašľonas lengre romňijenca. Andre tu pašľonas le džuvľenca, saven sas peskre dživesa.

3. Mojžišoskro 12:2

„Phen le Izraelitenge: ‚Te e džuvľi ela khabňi a ločhola muršores, ela nažuži efta džives, avke sar sako čhon hiňi nažuži andre peskre dživesa.

3. Mojžišoskro 15:24

Te o murš laha pašľiľahas akor, sar pre late hin, džala pre leste lakro nažužipen a ela nažužo efta dživesa. Dojekh hadžos, pre savo ov pašľola, ela nažužo.

3. Mojžišoskro 18:19

Ma dža paš e romňi, hoj laha te pašľos akor, sar la hin peskre čhoneskre dživesa.