3. Mojžišoskro 20:16 - Le Devleskero Lav Andre Romaňi Čhib Slovensko 2021

¹⁶ Te varesavi džuvľi avela paš o džviros a pašľola leha avke sar le muršeha, murdareha the la džuvľa the le džviros. Mušinen te merel. On hine vinnovata vaš peskro meriben.

3. Mojžišoskro 20:16 ပူးပေါင်းရင်းမြစ်များ

2. Mojžišoskro 19:13

Mušinela te el murdardo le barenca abo ľivimen le šipoha a ňisavo vast pes lestar našťi chudela. Či oda ela manuš vaj džviros, mušinela te merel! Ale sar šunďola te trubinel but pro rohos, šaj džan pro verchos.‘ “

2. Mojžišoskro 21:28

Te varekas o bikos murdarela le rohenca, mušinel te el murdardo le barenca a leskro mas pes našťi chal, ale oda dženo, kaskro sas o bikos, na ela vinnovato.

2. Mojžišoskro 21:32

Te o bikos murdarela otrokos abo otrokiňa, mušinel te počinel ole dženeske, kaskro sas o otrokos, tranda (30) rupune a le bikos mušinen te murdarel le barenca.

2. Mojžišoskro 22:19

Te vareko obetinela avre devlenge a na ča le RAJESKE, mušinel te merel.

3. Mojžišoskro 18:23

Ma pašľuv ňisave džviroha, bo oleha tut meľarďalas andre. Aňi e džuvľi te na avel paš o džviros, hoj leha te pašľol. Oda hin igen previsarďi veca.

3. Mojžišoskro 20:15

Te varesavo murš pašľola le džviroha, mušinel te merel a le džviros kampel te murdarel.

3. Mojžišoskro 20:17

Te peske vareko lela romňake peskra pheňa, či pal le dadeskri sera abo pal la dakri sera, a pašľona jekh avreha, hin oda o džungipen. Sodujdžene ena tradle het peskre manušendar avke, hoj oda sako dikhela. Kerďa ladž peskra pheňake a ľidžala vaš oda e vina.

Židenge 12:20

Bo našťi zľidžanas oda, so pes lenge prikazinďa: „Te ča o džviros pes chudňahas le verchostar, mušinel te avel murdardo le barenca.“