3. Mojžišoskro 20:10 - Le Devleskero Lav Andre Romaňi Čhib Slovensko 2021

¹⁰ Te vareko kerela lubipen la džuvľaha, so hiňi veraduňi avre Izraelitaha, mušinen te merel the o lubaris the e lubňi.

3. Mojžišoskro 20:10 ပူးပေါင်းရင်းမြစ်များ

2. Samueloskro 11:5

Ale e Batšeba ačhiľa khabňi a diňa oda te phenel le Davidoske.

2. Samueloskro 12:13

Akor phenďa o David le Natanoske: „Kerďom binos anglo RAJ.“ Ov leske odphenďa: „O Raj tuke odmukľa tiro binos a na mereha.

O Job 31:11

Bo te oda kerďomas, uľahas oda igen namištes; o binos, savo kampel te odsudzinel.

O Job 31:9

Te man cirdelas miro jilo pal aver džuvľi abo te užaravas paš o vudar le susedaskro,

2. Mojžišoskro 20:14

Na kereha lubipen!

3. Mojžišoskro 18:20

Ma pašľuv avre dženeskra romňaha, bo oleha tut meľarďalas andre.

Malachijaš 2:15

Či na kerďa tutar o Del laha jekh ťelos the duchos. A so oleha o Del kamľa te kerel? Hoj tumen te el čhave, so ena le Devleskre. Vašoda tumen chraňinen a ačhen pačivale tumare romňijenge, saven tumenge iľan, sar sanas terne.

4. Mojžišoskro 5:13

te pašľol varekaha avreha, meľarďa pes andre, the te lakro murš pal oda na džanľahas a oj pre peste na phenďahas avri, the te na uľahas pre late o švedkos a na uľahas paš oda arakhľi.

5. Mojžišoskro 5:18

Na kereha lubipen!