3. Mojžišoskro 19:15 - Le Devleskero Lav Andre Romaňi Čhib Slovensko 2021

¹⁵ Ma previsar o čačipen pro sudos. Ma zaačh tut vaš ňikaske pro sudos vaš oda, hoj hino čoro abo barvalo, ale sudzin čačipnaha aver dženes.

3. Mojžišoskro 19:15 ပူးပေါင်းရင်းမြစ်များ

O Job 13:8

Kamen vaš leske te rušel? Chuden paš o Del?

O Job 32:21

Na chudava paš ňisavo manuš a ňikaske man na guľarava,

O Job 34:19

Ov nane oda, ko chudel paš o raja abo del buter pačiv le barvales le čorestar; se ov stvorinďa savore manušen.

Žalmi 82:2

„Dži kana kamen te sudzinel načačipnaha a te ľikerel paš o nalačhe?

2. Mojžišoskro 18:21

Kide tuke avri savore manušendar ajse muršen, save hine goďaver the pačivale, save pes daran le Devlestar a na dena pes te prepočinel. Ačhav len vodcenge upral o manuša; ačhav vodcen upral o ezeros, šel, penda the deš.

Prislovja 18:5

Nane mištes te chudel paš o vinnovato a le čačipnaskres pro sudos te odčhivel.

Prislovja 24:23

The kala lava phende o goďaver manuša: Nane mištes te chudel paš varekaste, sar sudzines:

Prislovja 31:9

Phundrav tiro muj, sudzin čačipnaha a ruš vaš o čore the vaš ola, so len ňič nane!

3. Mojžišoskro 19:35

Ma thoven ňikaha avri aňi ma klaminen, sar merinen e mira abo sar važinen pre vaha.

O Evaňjelium le Janoskro 7:24

Ma sudzinen pal oda, sar oda dičhol avral, ale sudzinen čačipnaha.“

Skutki 23:3

Akor leske o Pavol phenďa: „Marela tut o Del, tu parňi falo! Bešes kade, hoj man te sudzines pal o Zakonos, ale phenes, hoj man te maren, a keres oda, so o Zakonos na phenel!“

5. Mojžišoskro 1:17

Pro sudos ma ľikeren sudos paš ňikaste buter, ale šunen avri sakones jednakones, či oda ela cikno abo baro manuš. Ňikastar tumen ma daran, bo o sudos hin le Devleskro! Te na džanena te rozsudzinel korkore, aven oleha ke ma a me oda rozsudzinava.‘

5. Mojžišoskro 10:17

Se o RAJ, tumaro Del, hino RAJ pre rajende the Del pre devlende. Hino baro, zoralo the užasno, na chudel paš ňikaste buter a na del pes te prepočinel.

5. Mojžišoskro 16:19

Ma previsar o čačipen pro sudos. Ma dikh pro manuš, ale sudzin pal oda, so ko kerel. Ma de tut te prepočinel le manušeske, bo oda korarel o jakha le goďaverengre a previsarel o lava le čačipnaskre manušengre.

5. Mojžišoskro 27:19

‚Prekošlo hino oda, ko previsarela o pravos le cudzincengro, le širotengro the le vdovengro.‘ A savore manuša mi phenen: ‚Amen!‘