3. Mojžišoskro 18:4 - Le Devleskero Lav Andre Romaňi Čhib Slovensko 2021

⁴ Tumen pes ľikeren pal mire zakoni a keren oda, so me tumenge prikazinav. Me som o RAJ, tumaro Del.

3. Mojžišoskro 18:4 ပူးပေါင်းရင်းမြစ်များ

Žalmi 105:45

O RAJ oda kerďa, hoj te doľikeren leskre prikazaňja a te šunen leskre zakoni. Haleluja!

Žalmi 119:4

Tu diňal avri tire prikazi, hoj pes pačivalones te doľikeren.

Ezechiel 20:19

Me som o RAJ, tumaro Del! Dživen pal mire zakoni, doľikeren mire prikazaňja a dživen pal lende.

Ezechiel 36:27

A dava mire Duchos andre tumende a kerava, hoj te dživen pal mire prikazaňja, te doľikeren mire zakoni a te keren len.

Ezechiel 37:24

Miro služobňikos o David ela lengro kraľis a savoren ela jekh pasťjeris. On dživena pal mire zakoni, doľikerena mire prikazaňja a kerena len.

3. Mojžišoskro 18:2

„Vaker ko Izraeliti a phen lenge: ‚Me som o RAJ, tumaro Del.

3. Mojžišoskro 18:26

Ale tumen doľikeren mire prikazi the zakoni a ma keren ňič kale džungipnastar, aňi o Izraelitas aňi o cudzincos, savo dživel maškar tumende.

3. Mojžišoskro 18:5

Doľikeren mire prikazi the zakoni. Bo oda manuš, ko len doľikerela, dživela lendar. Me som o RAJ.

3. Mojžišoskro 19:19

Doľikeren mire zakoni. Ma domuk, hoj pes te križinen duj druhi džviri. Ma sadzin pre tiri maľa duj druhi semena. Ma uri pre tute o gada, so hine side duje druhendar pochtanendar.

3. Mojžišoskro 19:37

Doľikeren savore mire zakoni the prikazi a dživen pal lende. Me som o RAJ.‘ “

3. Mojžišoskro 20:22

Doľikeren savore mire prikazaňja the savore mire zakoni. Dživen pal lende, hoj tumen te na čhivel avri odi phuv, andre savi tumen ľidžav, hoj ode te bešen.

Лукастар 1:6

Sodujdžene sas čačipnaskre anglo Del a pačivales doľikerenas savore zakoni the prikazaňja le Rajeskre.

O Evaňjelium le Janoskro 15:14

Tumen san mire prijaťeľa, te keren savoro, so tumenge prikazinav.

5. Mojžišoskro 6:1

„O RAJ, tumaro Del, mange prikazinďa, hoj tumen te sikavav kala prikazaňja the zakoni, hoj len te doľikeren andre odi phuv, savi džan te zalel pal o Jordan.