3. Mojžišoskro 15:24 - Le Devleskero Lav Andre Romaňi Čhib Slovensko 2021

²⁴ Te o murš laha pašľiľahas akor, sar pre late hin, džala pre leste lakro nažužipen a ela nažužo efta dživesa. Dojekh hadžos, pre savo ov pašľola, ela nažužo.

3. Mojžišoskro 15:24 ပူးပေါင်းရင်းမြစ်များ

Ezechiel 18:6

Na chal o mas obetimen pro verchi le modlenge aňi na lašarel le Izraelitengre modlen. Na meľarel andre avreskra romňa aňi na džal paš peskri romňi andre lakre dživesa, sar hiňi nažuži.

Ezechiel 22:10

Andre tu kerenas peskre dadenge ladž akor, sar pašľonas lengre romňijenca. Andre tu pašľonas le džuvľenca, saven sas peskre dživesa.

3. Mojžišoskro 15:23

Či oda ela hadžos abo vareso aver, pre soste bešelas, te pes olestar vareko chudela, ela nažužo dži rači.

3. Mojžišoskro 15:33

prekal e džuvľi, sava hin peskre dživesa; prekal o murš vaj džuvľi, kastar čuľal o vitok; a the prekal oda, ko pašľol la džuvľaha andre lakre nažuže dživesa.

3. Mojžišoskro 18:19

Ma dža paš e romňi, hoj laha te pašľos akor, sar la hin peskre čhoneskre dživesa.

3. Mojžišoskro 20:18

Te vareko pašľola la džuvľaha akor, sar la hin lakre dživesa, ta odučharela oda than, khatar lake džal o rat, a the oj oda odučharela. Sodujdžene ena tradle het peskre manušendar.

1. Tesaloničanenge 5:22

Ňič tumen te na chal le ňisave nalačhipnaha.

Židenge 13:4

Sako peske mi ľikerel o manželstvo andre pačiv. O rom la romňaha mušinen te avel verna jekh avreske, bo o Del sudzinela olen, ko keren lubipen abo džan avreha pašal o rom vaj pašal e romňi.

1. Peter 2:11

Phralale mire, phenav tumenge sar olenge, ko nane khere kade pre phuv a ko ča pal kadi phuv predžan: Zľikeren tumen le ťelesne žadoscendar, so pes maren tumara dušaha!