3. Mojžišoskro 14:17 - Le Devleskero Lav Andre Romaňi Čhib Slovensko 2021

¹⁷ Ole olejoha, so leske ačhiľa pre burňik, o rašaj makhela ole manušeske, savo pes obžužarel, telal o čačo kan, o angušt pro čačo vast the o angušt pro čačo pindro. Makhela oda pre ola thana, kaj imar hin o rat pal e obeta vaš e vina.

3. Mojžišoskro 14:17 ပူးပေါင်းရင်းမြစ်များ

Ezechiel 36:27

A dava mire Duchos andre tumende a kerava, hoj te dživen pal mire prikazaňja, te doľikeren mire zakoni a te keren len.

3. Mojžišoskro 14:14

O rašaj lela sikra le ratestar andral e obeta vaš e vina a makhela le manušeske, savo pes obžužarel, telal o čačo kan, o baro angušt pro čačo vast the o baro angušt pro čačo pindro.

3. Mojžišoskro 14:16

Andre oda olejos močinela o angušt le čače vasteskro a eftavar leha pokropinela anglo RAJ.

3. Mojžišoskro 14:18

Oka olejos, so leske ačhiľa, makhela tele pal e burňik pro šero ole manušeske, savo pes obžužarel. Kavke les o rašaj obžužarela anglo RAJ.

3. Mojžišoskro 8:23

O Mojžiš les murdarďa a iľa leskre ratestar a sikra makhľa le Aronoske telal o čačo kan, o baro angušt pro čačo vast the o baro angušt pro čačo pindro.

3. Mojžišoskro 8:30

O Mojžiš iľa le olejostar pro pomazaňje the le ratestar, so ačhiľa pro oltaris, a pokropinďa le Aron, leskro ruchos a the leskre čhaven lengre ruchenca. Avke pošvecinďa le Aron the leskre rucha a the leskre čhaven lengre ruchenca.

O Evaňjelium le Janoskro 1:16

Amen savore priiľam leskre barvaľipnastar jekh požehnaňje pal aver.

1. Peter 1:2

saven peske o Del, amaro Dad, anglal kidňa avri pre peskro planos a pošvecinďa peskre Duchoha, hoj te aven poslušna le Ježišoske Kristoske a pokropimen leskre rateha. Mi del tumen o Del pherdo milosť the smirom!