3. Mojžišoskro 11:42 - Le Devleskero Lav Andre Romaňi Čhib Slovensko 2021

⁴² Našťi chan ňič olestar, so pes cirdel pal o per, abo, so phirel pro štar, abo, so les hin buter pindre. Ňič olestar, so pes cirdel pal e phuv, našťi chan, hin oda džungipen.

3. Mojžišoskro 11:42 ပူးပေါင်းရင်းမြစ်များ

1. Mojžišoskro 1:20

O Del phenďa: „Mi pherdžaren pes o paňa le džide tvorenca a mi ľecinen o čirikle upral e phuv pal calo ňebos.“

Izajaš 65:25

O vlkos the o bakroro pes pašinena jekhetane, o ľevos chala o phus avke sar o bikos, ale o sap chala o prachos pal e phuv. Na kerena ňič nalačho aňi na zňičinena ňič pre calo miro sveto verchos,“ phenel o RAJ.

3. Mojžišoskro 11:41

Savoro, so pes cirdel pal e phuv, hino džungalo, našťi oda te chal.

3. Mojžišoskro 11:43

Ma meľaren tumen andre ňisoha, so pes cirdel pal e phuv. Ma meľaren tumen lenca, hoj te na ačhen nažuže,

Micheaš 7:17

Ľizinena o prachos sar o sap, sar ola, so pes cirden pal e phuv. Izdraňipnaha avena avri andral peskre pevnosťi, visarena pes daratar ko RAJ, amaro Del, a darana pes tutar.

Matuš 23:23

Vigos tumenge, zakoňikale the Farizejale, tumen dujemujengre! Bo den o ďesjatki andral e meta, andral o kopros the andral e raška, ale omukľan oda, so buter kampel te doľikerel andro Zakonos: O spravodľišagos, o lačhejileskeriben the e vernosť. Kada kampľa te kerel a koda te na omukel.

Matuš 3:7

A sar dikhľa, hoj but Farizeja the Saduceja aven pre leskro boľipen, phenďa lenge: „E famelija le sapengri! Ko tumenge sikaďa, sar te denašel le Devleskra choľatar, so avela?

O Evaňjelium le Janoskro 8:44

Tumaro dad hin o beng a tumen kamen te kerel o nalačhe žadosci tumare dadeskre. Ov sas vrahos ešebnovarestar a na ačhiľa andro čačipen, bo andre leste nane ňisavo čačipen. Te klaminel, vakerel oda, so hin andre leste, bo ov hino klamaris the o dad le klamišagoskro.

2. Korinťanenge 11:13

Bo on hine o falošna apoštola, klamišagoha keren buči a keren pestar apoštola le Kristoskre.

2. Korinťanenge 11:3

Ale darav man, hoj pes tumaro gondoľišagos te na visarel het le čačipnastar the le žužipnastar ko Kristus, avke sar o beng cirdňa pro binos la Eva peskre klamišagoha.

Titoske 1:12

Jekh lengro prorokos phenďa: „O Kreťana hine furt klamara, dziva džviri, leňiva pera.“