3. Mojžišoskro 11:13 - Le Devleskero Lav Andre Romaňi Čhib Slovensko 2021

^13-19 „ ‚Kala čirikle tumenge ena džungale a na chana len, bo hine nažuže: o orlos, e sova, o jastrabos, o sokolis, o supos, e vrana, o pštrosos, e čajka, o bocianos, e volavka, o pelikanos, o kormoranos, o ďatlos the o ňetopieris.‘ “

3. Mojžišoskro 11:13 ပူးပေါင်းရင်းမြစ်များ

O Job 28:7

Ňisavo orlos na džanel oda garudo drom ke ola baňi a e jakh le sokoliskri ode na dodikhel.

O Job 38:41

Ko pes starinela pal o chaben prekal o havranos, sar leskre cikne vičinen ko Del a bludzinen bi o chaben?“

Jeremijaš 4:13

Dikh, o ňeprijaťeľis avel sar o chmari. Leskre maribnaskre verdana hine sar e vichrica, leskre graja hine richleder sar o orli. Vigos amenge, sam našade!

Jeremijaš 4:22

O RAJ phenel: „Mire manuša hine diline, na prindžaren man. Hine sar o čhave, so nane goďaver, so na achaľon. Akor hine goďaver, sar kamen te kerel o nalačho, ale o lačho te kerel na džanen.“

Jeremijaš 48:40

Se kada phenel o RAJ: „Dikh, o ňeprijaťeľis priľecinela jekhvareste sar orlos le nacirdle kridlenca pro Moab.

Roviben le Jeremijašiskro 4:19

Ola, ko pal amende avenas, sas richleder sar o orli pro ňebos. Denašenas pal amende pro verchi, a užarenas amen pre pušťa.

Hozeaš 8:1

„Prithoven o trubi paš o muj! O orlos kružinel upral o kher le RAJESKRO, bo prephagle miri zmluva a ačhade pes pre miro zakonos.

3. Mojžišoskro 11:11

Ela tumenge oda džungipen. Lengre masestar ma chan a mi džungľon tumenge lengre zdochlini.

3. Mojžišoskro 11:12

Avke savoro, so hin andro paňi a nane les šupini abo plutvi, ela tumenge džungipen.‘ “

Habakuk 1:8

Lengre graja hine richleder sar o leopardi a dziveder sar o vlki rači. Lengre jazdci igen siďaren; lengre graja aven dural. Ľecinen sig sar orli, so džan te chal peskri korisť.

Zacharijaš 5:9

Paľis dikhľom upre a dikhľom te avel ke ma duje džuvľen, la balvajaha andro kridli. Sas len ajse kridli sar le bocianen a hazdle upre o košaris maškar o ňebos the maškar e phuv.

Matuš 24:28

Bo kaj hin o mulo ťelos, ode pes skidena the o supi.

Titoske 3:3

Bo the amen samas varekana nagoďaver a na šunahas le Devles. Bludzinahas a samas otroka le všelijake žadoscenge the rozkošenge; dživahas andre choľi a zavidzinahas. Aver manuša amen narado dikhenas a the amen len.