3. Jan 1:11 - Le Devleskero Lav Andre Romaňi Čhib Slovensko 2021

¹¹ Phrala miro, ma ľiker tut pal o nalačho, ale pal o lačho. Oda, ko kerel o lačho, hin le Devlestar, ale ko kerel o nalačho, na dikhľa le Devles.

3. Jan 1:11 ပူးပေါင်းရင်းမြစ်များ

Žalmi 34:14

mi zľikerel e čhib le nalačhe lavendar a o vušta le klamišagostar.

Žalmi 37:27

Visaľuv le nalačhipnastar a ker o lačho, avke bešeha andre phuv pro furt.

2. Mojžišoskro 23:2

Ma ľiker tut paš aver džene, kajte hine but, hoj te keres o nalačho. Sar svedčines pro sudos, ma previsar prekal lende o čačipen,

Prislovja 12:11

Ko kerel pre peskri maľa, čaľola le marestar, no oda, ko del peskro časos pre chocsoste, hino bi e goďi.

O Evaňjelium le Janoskro 10:27

Mire bakrore šunen miro hangos a me len prindžarav a on aven pal mande.

O Evaňjelium le Janoskro 12:26

Te mange vareko služinel, mi phirel pal ma, a ode, kaj som me, ela the miro služobňikos. Miro Dad dela pačiv oles, ko mange služinel.

O Evaňjelium le Janoskro 3:20

Bo oda, ko kerel o nalačhe veci, našťi avri ačhel o švetlos a na džal andro švetlos, hoj te na dičhol, so kerel.

1. Korinťanenge 11:1

Keren savoro pal ma, avke sar me kerav savoro pal o Kristus.

1. Korinťanenge 4:16

Mangav tumen: Keren avke sar me.

Efežanenge 5:1

O Del tumen kamel, bo san leskre čhave, vašoda dživen avke, hoj te aven ajse sar Ov.

Filipanenge 3:17

Phralale mire, keren avke sar me. A dikhen mištes pre ola džene, save dživen avke, sar tumenge amen sikaďam.

1. Tesaloničanenge 1:6

A tumen napodobňinenas amen a the le Rajes, sar priiľan o lav andro but cerpišagi radišagoha le Svete Duchostar.

1. Tesaloničanenge 2:14

Se tumen, phralale, ačhiľan ajse sar le Devleskre zbori andro Ježiš Kristus andre Judsko. Bo avke, sar on cerpinenas le Židendar, avke the tumen cerpinenas tumare manušendar.

2. Timoteoske 3:10

Ale tu tut mištes ľikerehas mire sikavibnastar a kerehas avke sar me andre miro dživipen, bo tu dikhehas miro pačaben, miro zľikeriben, miro kamiben the miri trpezľivosť,

Židenge 6:12

Na kamas, hoj te ačhen leňiva, ale hoj te aven ajse sar ola, ko ľikeren avri a pačan, a oleha te dochuden oda, so tumenge o Del phenďa.

1. Peter 3:11

mi visarel pes le nalačhestar a mi kerel o lačhipen a mi rodel o smirom andral calo jilo.

1. Peter 3:13

A ko tumenge ubľižinela, te igen kamena te kerel o lačhipen?

1. Jan 2:29

Te džanen, hoj ov hino spravodľivo, akor džanen, hoj sako, ko kerel o spravodľišagos, uľiľa lestar.

1. Jan 3:10

Pal oda šaj džanen, ko hin le Devleskre čhave a ko le bengeskre čhave: Oda, ko na kerel o spravodľišagos, nane le Devlestar – aňi oda, ko na kamel peskre phrales.

1. Jan 4:1

Phralale mire, ma pačan dojekhe duchoske. Rozsudzinen le duchen, či hine le Devlestar, bo but falošna proroka avle andro svetos.