2. Timoteoske 4:20 - Le Devleskero Lav Andre Romaňi Čhib Slovensko 2021

²⁰ O Erastos ačhiľa andro Korint. Le Trofimus mukľom nasvales andro foros Miletus.

2. Timoteoske 4:20 ပူးပေါင်းရင်းမြစ်များ

Skutki 18:1

Paľis geľa o Pavol het andral o Ateni a avľa andro foros Korint.

Skutki 18:8

O Krispus, o vodcas andral e sinagoga, caľa peskra famelijaha pačanďiľa andro Raj. A the but aver Korinťana, save šunenas le Pavol, pačanďile a dine pes te bolel.

Skutki 19:22

A bičhaďa andre Macedonija duje peskre pomocňiken, le Timoteus the le Erastos. Ale ov mek ačhiľa sikra buter andre Azijsko provincija.

Skutki 20:15

Odarik geľam la loďaha het, pre dujto džives avľam paš o Chios a pre trito džives geľam la loďaha paš o Samos. Paľis pre aver džives avľam andro Miletus.

Skutki 20:17

Andral o Miletus o Pavol bičhaďa andro Efezus pal o phuredera andral e khangeri, hoj pes leha te arakhen.

Skutki 20:4

Džanas leha o Sopater, le Pirroskro čhavo andral e Berea, o Aristarchos the o Sekundus andral e Tesalonika, o Gajos andral o Derbe, o Timoteus a the andral e Azija o Tichikus the o Trofimus.

Skutki 21:29

Bo angloda dikhle le Trofimus andral o Efezus le Pavloha andro foros a gondoľinenas peske, hoj les o Pavol iľa andro chramos.

Rimanenge 16:23

Pozdravinel tumen o Gajos, andre saveskro kher pes zdžal e khangeri, a the me ode akana bešav. Pozdravinel tumen o Erastos, o spravcas le foroskro, a mek the leskro phral o Kvartos.