2. Timoteoske 2:7 - Le Devleskero Lav Andre Romaňi Čhib Slovensko 2021

⁷ Gondoľin pal oda, so vakerav. O Raj tuke dela savoro te achaľol.

2. Timoteoske 2:7 ပူးပေါင်းရင်းမြစ်များ

1. Kronicko 22:12

Ča mi del tut o RAJ goďaveripen the prindžaripen andre savoreste, sar tut ačhavela upral calo Izrael, hoj te doľikeres o zakonos le RAJESKRO, tire Devleskro.

1. Kronicko 29:19

A ker, hoj miro čhavo o Šalamun te el tuke pačivalo cale jileha a te doľikerel tire prikazaňja, zakoni the sikavibena, a mi kerel savoro, so kampel, hoj te el ačhado o Chramos, prekal savo diňom kala dari.“

Žalmi 119:125

Me som tiro služobňikos, de mange te achaľol, hoj te prindžarav tire prikazaňja.

Žalmi 119:144

Tire sikavibena hine spravodľiva pro furt, de mange len te achaľol, hoj te dživav.

Žalmi 119:73

Tire vastenca man stvorinďal a forminďal, pomožin mange te achaľol a te sikľol tire prikazaňja.

Žalmi 64:9

Zňičinela len lengri čhib. Sako, ko len dikhela, kerela upral lende le šereha.

Prislovja 24:32

A me sar pre oda dikhavas, iľom mange oda andro jilo a sikľiľom olestar kada:

Izajaš 1:3

O volos prindžarel peskre gazdas a o somaris džanel o valovos, khatar les leskro raj karminel, ale o Izrael oda na džanel; mire manuša na achaľon.“

Izajaš 28:26

O Del les ľidžal, sikavel les oda mištes te kerel.

Izajaš 5:12

Pre lengre oslavi hin e citara, e harfa, e bubna, e flauta the e mol, ale pal o skutki le RAJESKRE lenge na džal a na dikhen pre buči leskre vastengri.

Daniel 1:17

O Del diňa kale štare terne muršen goďi, hoj te prindžaren a te achaľon dojekh pisišagos the goďaveripen. A le Danieloske mek ke oda diňa, hoj te džanel te achaľol savore viďeňja the sune.

Лукастар 21:15

bo me tumen dava ajse lava the goďi, anglal save našťi obačhena ňisave tumare ňeprijaťeľa a pre save aňi našťi odphenena.

Лукастар 24:45

Akor lenge phundraďa e goďi, hoj te achaľon o Pisišagos.

Лукастар 9:44

„Tumen ma bisteren pre kala lava: O Čhavo le Manušeskro ela dino le manušenge andro vasta.“

O Evaňjelium le Janoskro 14:26

Ale o Ťešiťeľis, o Sveto Duchos, saves bičhavela o Dad andre miro nav, ov tumen sikavela savoro a leperela tumenge sa, so tumenge phenďom.

O Evaňjelium le Janoskro 16:13

Ale sar avela Ov, o Duchos le čačipnaskro, ľidžala tumen andre dojekh čačipen. Na vakerela korkoro pestar, ale vakerela savoro, so šunel. A phenela tumenge the oda, so avela.

Skutki 7:10

a iľa les avri andral savore leskre pharipena, presikaďa leske peskri milosť a diňa les goďi anglo Faraonos, egiptsko kraľis. Ov paľis ačhaďa le Jozef, hoj pes te starinel pal o Egipt the pal calo leskro kher.

1. Korinťanenge 12:8

Bo jekheske hin dino le Duchostar te vakerel o goďaveripnaskro lav; avreske hin dino o prindžaripnaskro lav ole jekhe Duchostar;

5. Mojžišoskro 32:29

Te uľahas goďaver, achaľiľahas a sprindžarďahas, kaj džal lengro drom.

5. Mojžišoskro 4:39

Leperen tumenge adadžives a šoha ma bisteren, hoj o RAJ hino Del pro ňebos the pre phuv. Aver del nane.

Filipanenge 4:8

No akana pro ostatkos, phralale, phenav: Gondoľinen pre oda, so hin čačo, pačivalo, čačipnaskro a žužo, pre oda, so hin šukar, igen lačho a pro lašariben.

Kološanenge 1:9

Vašoda the amen ole dživesestar, sar oda šunďam, pes na preačhas vaš tumenge te modľinel. Mangas le Devles, hoj tumen te naplňinel, hoj te prindžaren, so hin leskri voľa, hoj tumen te avel savoro goďaveripen the savori duchovno goďi.

1. Timoteoske 4:15

Kala veci ker a muk tut andre oda cale jileha, hoj savore manuša te dikhen, sar džas anglal andro pačaben.

2. Timoteoske 2:6

O manuš, savo kerel phares buči pre maľa, kamľahas ešebno te chudel le uľipnastar.

2. Timoteoske 2:8

Ma bister pro Ježiš Kristus, le Davidoskro čhavo, savo ušťiľa andral o meriben, avke sar me vakerav andre miro evaňjelium.

Židenge 12:3

Gondoľinen pre oda, ko zľigenďa kajci but nalačhipen le binošnendar, save pre leste igen džanas, hoj tumen te na podden a te na slabisaľon pro duchos.

Židenge 13:7

Ma bisteren pre ola, ko tumen ľidžanas a vakerenas tumenge o lav le Devleskro. Dikhen mištes pre lengro dživipen, sar dživenas a sar mule, a napodobňinen lengro pačaben.

Židenge 3:1

Mire sveta phralale, save san vičimen le Devlestar, dikhen pro Ježiš – pro apoštolos the Nekbareder Rašaj amare pačabnaskro.

Židenge 7:4

Dikhen, savo baro hino: O Abraham, o dad amare narodoskro, les diňa ďesjatka savorestar, so peske anďa andral o mariben.

Jakob 1:5

Te varekaske tumendar kampel goďi, mi mangel peske le Devlestar a ela leske diňi. Bo ov del ščirones sakones a na čhivkerel pro jakha.

Jakob 3:15

Kajsi goďi na avel upral, ale hiňi pal e phuv, ťelesno, benguňaľi.

Jakob 3:17

Ale odi goďi, so avel andral o ňebos, hiňi ešeb žuži, paľis ajsi, so kamel o smirom, kovľi a phundraďi te šunel; hiňi ajsi, so sajinel avres a anel o lačho ovocje, na kerel rozďjel maškar o manuša a nane dujemujengri.

1. Jan 5:20

A džanas, hoj o Čhavo le Devleskro amen avľa te del goďi, hoj te prindžaras le čače Devles. A amen sam andro čačo Del, andre leskro Čhavo Ježiš Kristus. Ov hino o čačo Del the o večno dživipen.