2. Samueloskro 24:21 - Le Devleskero Lav Andre Romaňi Čhib Slovensko 2021

²¹ „Soske avel o kraľis, miro raj, ke mande?“ phučľa lestar. „Kamav te cinel tutar o humnos,“ odphenďa o David, „hoj te ačhavav le RAJESKE oltaris, hoj te preačhel kada meribnaskro nasvaľiben.“

2. Samueloskro 24:21 ပူးပေါင်းရင်းမြစ်များ

1. Mojžišoskro 50:10

Sar doavle andro Goren-Atad, so hin pal o Jordan, zorales rovenas bara vikaha. O Jozef vartinelas efta džives pal peskro dad.

2. Samueloskro 24:18

Andre oda džives avľa o Gad ko David a phenďa leske: „Dža upre a ačhav oltaris le RAJESKE pre le Aravnoskro humnos.“

2. Samueloskro 24:20

Sar dikhľa o Aravnah, hoj avel ke leste o kraľis peskre služobňikenca, avľa anglal leste a banďiľa le mujeha dži pre phuv.

2. Samueloskro 24:3

Ale o Joab phenďa le kraľiske: „Mi kerel lendar o RAJ, tiro Del, šelvar ajci sar hine a tu oda the dikhes pre tire jakha. Ale soske kames oda te kerel, raja miro the kraľina?“

1. Kronicko 21:22

O David leske phenďa: „Kamav tutar te cinel o humnos, hoj te ačhavav le RAJESKE oltaris, bo avke preačhela oda baro nasvaľiben pro manuša. Biken les mange vaš ajci, keci mol.“

Žalmi 106:30

O Pinchas ušťiľa, thoďa pes andre oda a o nasvaľiben preačhiľa.

4. Mojžišoskro 25:8

Geľa andro stanos ole Izraelitaskro, savo anďa ola džuvľa, a sodujen jekhetane predemaďa la kopijaha, sar pašľonas. Avke sas zaačhado o nasvaľiben maškar o Izraeliti.