2. Samueloskro 14:7 - Le Devleskero Lav Andre Romaňi Čhib Slovensko 2021

⁷ Akana džal pre ma caľi famelija a phenen: ‚De amenge oles, ko murdarďa peskre phrales, hoj les te murdaras vaš o dživipen le phraleskro.‘ Te on oda kerena, me ačhava bi o čhavo a lena miri naďej, so mek mange ačhiľa, bo pal miro rom na ačhiľahas pre kadi phuv o nav aňi o potomstvos.“

2. Samueloskro 14:7 ပူးပေါင်းရင်းမြစ်များ

1. Mojžišoskro 27:45

Sar e choľi tire phraleskri preačhela a ov bisterela pre oda, so leske kerďal, bičhavava vaš tu, hoj te aves odarik pale khere. Soske tumen te našavav sodujen andre jekh džives?“

1. Mojžišoskro 4:14

Tu man akana trades avri andral e phuv a mušinava man te garuvel anglal tiro muj; avava tulakos a bludzinava pal e phuv, a te man vareko arakhela, murdarela man.“

2. Samueloskro 12:17

Leskre phureder služobňika gele paš leste a kamenas les te hazdel pal e phuv, hoj te chal lenca, ale ov na kamelas te ušťel aňi te chal.

2. Samueloskro 14:6

Sar mire duj čhave sas pre maľa, vesekedinde pes maškar peste a na sas ode ňiko, hoj len pestar te odlel. Jekh lendar demaďa dujtones avke, hoj les murdarďa.

2. Samueloskro 14:8

„Dža khere,“ phenďa lake o David. „Me lava ada andre mire vasta.“

4. Mojžišoskro 35:19

E nekpašeder famelija le muleskri šaj murdarel le vrahos, sar les arakhela.

Matuš 21:38

Ale ola vinara peske phende: ‚Ov hino ďeďičis. Aven, murdaras les a leskro ďeďictvos ela amaro!‘

5. Mojžišoskro 25:6

a lengro ešebno čhavo pes rachinela sar čhavo ole phraleskro, savo muľa. Ov ľidžala leskro nav, hoj pre leste te na bisteren andro Izrael.