2. Samueloskro 14:14 - Le Devleskero Lav Andre Romaňi Čhib Slovensko 2021

¹⁴ Bo jekhvar mušinas savore te merel, sam sar o paňi, so hino avričhordo pre phuv a so imar pes na del te skidel upre. Ale o Del na kamel te lel ňikaske o dživipen, ale kerel savoro, hoj te anel pale oles, ko hino lestar dur.

2. Samueloskro 14:14 ပူးပေါင်းရင်းမြစ်များ

2. Samueloskro 11:25

O David le sluhaske phenďa: „Le Joaboske phen, hoj pes te na trapinel, bo šoha našťi džanes, ko šaj merel andro mariben. A mek phen leske, hoj te zoraľarel o mariben pre oda foros a te zňičinel les! Avke les zoraľar kale lavenca.“

2. Samueloskro 14:15

Vašoda oda avľom te phenel mire rajeske the kraľiske, bo o manuša man oleha darade a phenďom mange: ‚Džava te vakerel le kraľiha a ko džanel, či man na šunela avri.

1. Kraľengro 11:39

Vaš le Šalamunoskro binos marava le Davidoskre čhaven, ale na pro furt.‘ “

O Job 14:14

Te varesavo manuš merel, či obdživela pale? Sako džives andre miri phari služba užarav, kana imar oda predžala!

O Job 30:23

Džanav, hoj man leha andro meriben, pre oda than, kaj pes zdžana savore džide.

O Job 34:15

ta savoro džido jekhvareste našľiľahas a o manuš geľahas pale andro prachos.

O Job 34:19

Ov nane oda, ko chudel paš o raja abo del buter pačiv le barvales le čorestar; se ov stvorinďa savore manušen.

Žalmi 22:14

Phundrade pre ma o tlami sar dzivo the choľamen ľevos.

Žalmi 22:15

Som sar o rozčhido paňi, savore kokala mange chučile avri. Miro jilo hino sar e rozgeľi momeľi, biľiľa andre ma.

Žalmi 58:7

Devla, mar lenge avri o danda andral o muj! Rozmar o piski ole ľevenge, RAJEJA!

Žalmi 77:8

„Odčhivel man pestar o RAJ pro furt? Imar mange pale na presikavela peskro lačhipen?

Žalmi 79:3

Lengro rat čhorenas avri sar paňi pašal o Jeruzalem a na sas ko len te parunel.

Žalmi 90:10

Amaro dživipen ľikerel eftavardeš berš, ochtovardeš, te hin vareko zoraleder; ale the o nekfeder berša hin ča pherdo dukh the pharipen, bo predžan sig a amen ľecinas het.

Žalmi 90:3

Le manušestar keres pale prachos; phenes: „Ačhen pale prachoske, manušale!“

2. Mojžišoskro 21:13

Te pes oda ačhiľa, kajte ov na kamľa les te murdarel, ale o Del oda domukľa, sikavava tuke than, kaj oda manuš šaj denašel.

Kazaťeľis 9:5

Bo o džide džanen, hoj merena, ale o mule na džanen ňič. Nane imar buter počiňiben prekal lende, bo pes pre lende bisterďa.

Roviben le Jeremijašiskro 3:31

Bo o RAJ na odčhivel pro furt.

Ezechiel 18:23

Či mange hin pre dzeka, sar o bijedevleskro manuš merel? phenel o RAJ, o Adonaj. Či na som radeder, sar pes visarel peskre nalačhe dromestar a dživel?

3. Mojžišoskro 26:40

„ ‚Ale šaj pes ačhel, hoj tumare čhave viznavinena peskri vina a the e vina peskre dadengri, save sas mange napačivale a pes ačhavenas pre mande,

4. Mojžišoskro 35:15

Kala šov fori ena pro garuďipen na ča prekal o Izraeliti, ale the prekal o cudzinci the ola, ko hine avre narodendar a bešen maškar tumende. Ode pes šaj garuvel oda, ko varekas murdarel, ale na kamľa.

4. Mojžišoskro 35:25

O Izraeliti oles, ko murdarďa, lena avri la famelijakre vastendar a ľidžana les pale andro foros, kaj pes angloda garuďa. Ode mušinel te ačhel, medik na merela o nekbareder rašaj, savo sas pomazimen le svete olejoha.

4. Mojžišoskro 35:28

Vašoda oda dženo, ko murdarďa, mušinel te ačhel andro foros pro garuďipen, medik na merela o nekbareder rašaj. Ča akor šaj pale džal andre peskro gav.

Matuš 22:16

Bičhade ke leste peskre učeňiken le Herodijanenca a on leske phende: „Učiťeľina, džanas, hoj sal čačipnaskro a sikaves le Devleskro drom andro čačipen. A na džal tuke pal oda, so o manuša phenen, bo na dikhes pro manuš.

Skutki 10:34

Akor chudňa o Peter te vakerel: „Akana čačes achaľuvav, hoj o Del na dikhel jekhe manušes barederes sar avres.

Rimanenge 2:11

Bo o Del sudzinel sakones jednakones.

5. Mojžišoskro 10:17

Se o RAJ, tumaro Del, hino RAJ pre rajende the Del pre devlende. Hino baro, zoralo the užasno, na chudel paš ňikaste buter a na del pes te prepočinel.

Židenge 9:27

Avke sar hin dino le manušenge jekhvar te merel a paľis ela o sudos,

1. Peter 1:17

A te vičinen „Dado“ le Devles – savo na kerel rozďjel maškar o manuša, ale sudzinel sakones pal leskre skutki – ta dživen daraha anglo Del, medik san sar cudzinci pre kadi phuv.