2. Samueloskro 12:14 - Le Devleskero Lav Andre Romaňi Čhib Slovensko 2021

¹⁴ Ale oleha, so kerďal, dikhľal tele le RAJES, a vašoda o čhavoro, so tuke uľola, mušinel te merel.“

2. Samueloskro 12:14 ပူးပေါင်းရင်းမြစ်များ

2. Samueloskro 12:15

Sar o Natan geľa khere, o Raj dukhaďa le nasvaľibnaha le Davidoskre čhavores, savo uľiľa la Batšebake.

Nehemiaš 5:9

Mek phenďom: „Namištes keren. Či na kamľanas te phirel andre dar anglo Del, hoj amendar amare ňeprijaťeľa te na asan?

Žalmi 69:6

Tu, Devla, prindžares miro nagoďaveripen; nane tuke garude mire bini.

Žalmi 74:10

Devla, dži kana peske o ňeprijaťeľis kerela tutar pheras? Dophenela furt tire naveske?

Žalmi 94:12

Bachtalo hin oda, kas tu, RAJEJA, barares avri, kas tu sikaves tiro zakonos,

Žalmi 99:8

RAJEJA, Devla amaro, tu len šunehas avri; Devla, tu lenge odmukehas, ale vaš lengro nalačhipen len the marehas.

Izajaš 52:5

A akana so pes kade kerel?“ phenel o RAJ. „Mire manuša sas zaile a na sas vaš lenge počimen ňič. Asan peske ola, ko upral lende vladňinen,“ phenel o RAJ. „A calo džives hin miro nav furt ča teledikhlo.

Amos 3:2

„Ča tumen mange kidňom avri savore famelijendar pal caľi phuv, vašoda tumen marava vaš savore tumare bini.“

Matuš 18:7

Vigos le svetoske vaš ola veci, save keren oda, hoj o manuša te peren andral o pačaben. Kajse veci mušinen te avel, ale vigos ole manušeske, prekal kaste oda avel.

Rimanenge 2:24

Avke sar hin pisimen: „Vaš tumenge o aver narodi namištes vakeren pro Del.“

1. Korinťanenge 11:32

No oleha, hoj amen o Raj sudzinel, bararel amen avri, hoj te na avas odsudzimen le svetoha.

Židenge 12:6

Bo kas o Raj kamel, oles bararel zoraha avri a marel sakones, kas prilel sar čhas.

Zjaveňje 3:19

Me sakones, kas kamav, karhinav a zorales bararav avri. Vašoda av horľivo a visar tut le binendar!