2. Peter 1:14 - Le Devleskero Lav Andre Romaňi Čhib Slovensko 2021

¹⁴ bo džanav, hoj imar kada ťeloskro stankos maj omukava, sar mange oda diňa te džanel amaro Raj o Ježiš Kristus.

2. Peter 1:14 ပူးပေါင်းရင်းမြစ်များ

Izajaš 38:12

Miro kher sas cirdlo tele a ilo mandar het sar o stanos le pasťjeriskro. Pačarďom andre miro dživipen, avke sar o tkačis pačarel o pochtan, se ov mange odčhinďa o thav pal o strojos. Dživesestar dži rači skončinďal mire dživipnaha.

O Evaňjelium le Janoskro 13:36

O Šimon Peter lestar phučľa: „Rajeja, kaj džas?“ O Ježiš leske odphenďa: „Kaj me džav, ode pal ma akana našťi aves, ale paľis pal ma aveha.“

Skutki 20:25

Akana džanav, hoj ňiko tumendar, maškar kaste phiravas a vakeravas pal o kraľišagos le Devleskro, man imar buter na dikhela.

2. Korinťanenge 5:1

Bo amen džanas, hoj hin amen kher le Devlestar, sar ela telečhido kada ťeloskro stankos, andre savo dživas kade pre phuv: Oda hin o večno kher andro ňebos, so nane kerdo le vastenca.

5. Mojžišoskro 31:14

O RAJ phenďa le Mojžišoske: „Dikh, imar avel tiro časos te džal het pal kadi phuv. Vičin le Jozuas a aven andro Svetostankos, hoj les te ačhavav vodcaske.“ Avke o Mojžiš the o Jozua gele andro Svetostankos.

2. Timoteoske 4:6

Bo me som imar obetimen a imar avľa miro časos, hoj te džav pal kada svetos.

Jozua 23:14

Me imar maj merav – džav het pal kadi phuv. Gondoľinen cale tumare jileha the dušaha pal oda, hoj aňi jekh le lavendar, so tumenge diňa o RAJ, tumaro Del, na našľiľa. Savoro pes ačhiľa.

2. Peter 1:13

Medik som andre kada ťelos, dikhel pes mange oda mištes, hoj tumenge te leperav kala veci,