2. Mojžišoskro 7:20 - Le Devleskero Lav Andre Romaňi Čhib Slovensko 2021

²⁰ O Mojžiš le Aronoha kerde savoro avke, sar lenge o RAJ prikazinďa. O Aron hazdňa e paca, savi leste sas andro vast, a anglo Faraonos the leskre uradňika demaďa pal o Nil a savoro paňi andre pes čerinďa pro rat.

2. Mojžišoskro 7:20 ပူးပေါင်းရင်းမြစ်များ

2. Kraľengro 4:29

Akor o Elizeus prikazinďa le Gehaziske: „Pripravin tut pro drom, le tuha miri paca a dža. Te tut arakheha varekaha pro drom, ma de tut ke leste anglal. Te pes vareko dela ke tu anglal, ma odphen leske. Paľis thov miri paca le čhavoreske pro muj!“

Žalmi 105:29

Čerinďa lengre paňa pro rat a kerďa, hoj o ribi te meren.

Žalmi 78:44

Lengre paňa prečerinďa pro rat, našťi lendar pijenas.

2. Mojžišoskro 4:9

Ale te na pačana aňi kale duje znameňjenge a na šunena tut, akor le sikra paňi andral o Nil a čhiv les avri pre šuki phuv. Oda paňi pes čerinela pro rat.“

2. Mojžišoskro 7:10

Avke o Mojžiš the o Aron gele anglo Faraonos a kerde avke, sar lenge prikazinďa o RAJ. O Aron čhiďa e paca anglo Faraonos the angle leskre uradňika a e paca pes čerinďa pro sap.

2. Mojžišoskro 7:21

O ribi andro Nil murdaľile a o paňi chudňa te khandel avke, hoj o manuša andro Egipt našťi pile o paňi. Avke sas o rat pal calo Egipt.

2. Mojžišoskro 7:6

Avke o Mojžiš the o Aron kerde savoro avke, sar lenge prikazinďa o RAJ.

Habakuk 3:8

Či sal choľamen pro jarki, RAJEJA? Abo čhives avri tiri choľi pro paňa? Či bariľa tiri choľi pro moros? Vaš oda džas pre tire graja the pro verdana, hoj te zachraňines?

Zjaveňje 8:8

Dujto aňjelos zatrubinďa a ajso vareso sar baro verchos, so labolas la jagaha, sas čhido andro moros. A jekh treťina le morostar pes čerinďa pro rat