2. Mojžišoskro 33:7 - Le Devleskero Lav Andre Romaňi Čhib Slovensko 2021

⁷ O Mojžiš iľa o stanos a ačhaďa les dureder le taboristar. Diňa leske nav „o Stanos, kaj hin e pritomnosť le RAJESKRI“. Te vareko rodelas le RAJES, džalas avri andral o taboris andre oda stanos.

2. Mojžišoskro 33:7 ပူးပေါင်းရင်းမြစ်များ

2. Samueloskro 21:1

Sar o David kraľinelas, sas bokh, so ľikerelas trin berš pal peste. Akor o David rodelas ko RAJ, soske ada hin, a ov leske odphenďa: „O Saul the leskri famelija hine vinnovata vaš o rat le Gibeončanengro.“

Žalmi 10:1

RAJEJA, soske sal avke dur? Soske tut garuves akor, sar mange hin phares?

Žalmi 27:8

Miro jilo mange leperel tire lava: „Roden miro muj!“ He, RAJEJA, rodava tiro muj!

Žalmi 35:22

RAJEJA, tu oda dikhľal. Ma av čhit! Rajeja, ma av mandar dur!

2. Mojžišoskro 18:12

Paľis o Jetro anďa le Devleske e labarďi obeta a the mek aver obeti. O Aron the savore izraelika vodci avle, hoj te chan o chaben le Mojžišoskre sastreha anglo Del.

2. Mojžišoskro 18:7

Akor o Mojžiš geľa angle lende, banďiľa tele angle peskro sastro a čumidľa les. A sodujdžene jekh avres pozdravinenas andro smirom a gele andro stanos.

2. Mojžišoskro 33:6

Vašoda pre peste o Izraeliti akorestar, sar gele het pašal o verchos Choreb, imar na thovenas ňisavo šukariben.

2. Mojžišoskro 33:8

A sar o Mojžiš džalas andre oda stanos, savore manuša ušťenas. Sako ačhelas anglo vchodos paš peskro stanos a dikhelas pro Mojžiš, medik na džalas andro stanos.

Prislovja 15:29

O RAJ hino dur le nalačhendar a na šunel len, ale o mangipen le lačhengro šunel avri.

Izajaš 59:2

Ale oda hin tumare nalačhipena, so ačhile sar muros, maškar tumende the maškar tumaro Del, a angle tumare bini garuďa peskro muj, hoj te na šunel.

Hozeaš 9:12

Kajte bararena avri čhaven, me lendar savoren lava. Vigos lenge, bo me man lendar visarava het!

5. Mojžišoskro 4:29

Ode rodena le RAJES, tumare Devles, a te les rodena cale tumare jileha the tumara dušaha, arakhena les.

Židenge 8:2

Ov služinel sar o Nekbareder Rašaj andro Neksveteder than, andro čačo Svetostankos, so ačhaďa o Raj, a na o manuš.