2. Mojžišoskro 33:23 - Le Devleskero Lav Andre Romaňi Čhib Slovensko 2021

²³ A sar odlava e burňik, dikheha ča miro dumo, ale miro muj ňiko našťi dikhel.“

2. Mojžišoskro 33:23 ပူးပေါင်းရင်းမြစ်များ

O Job 11:7

Či šaj preskumines le Devles? Či šaj arakhes avri savoro prindžaripen pal o Nekzoraleder?

O Job 26:14

Dikh, kada hin ča sikrica olestar, so ov kerel, ča kajci frima pes amenge dochudňa andro kana. Akor ko šaj achaľol, savi bari zor hin le Devles?“

2. Mojžišoskro 33:20

Našťi dikhes miro muj, bo ňiko, ko man dikhela, našťi ačhel te dživel.“

O Evaňjelium le Janoskro 1:18

Le Devles šoha ňiko na dikhľa, ale ča o jekhoro Čhavo, savo hino korkoro Del a hino nekpašeder paš o Dad, ov amenge les sikaďa.

1. Korinťanenge 13:12

Akana dikhas nažužes, sar andro gendalos a sar prekal e molha, ale paľis pes dikhaha muj-mujeha. Akana prindžarav ča frima, ale paľis prindžarava dokonales, avke sar o Del prindžarel the man.

1. Timoteoske 6:16

Jekh ov, o Del, šoha na merel a bešel andro švetlos, kaj ňiko našťi džal; ňisavo manuš les šoha na dikhľa a aňi les našťi dikhel. Leske mi džal e pačiv the e večno zor! Amen.