2. Mojžišoskro 31:15 - Le Devleskero Lav Andre Romaňi Čhib Slovensko 2021

¹⁵ Šov džives hin pre oda, hoj te keren buči, ale eftato hin le RAJESKRO sveto džives, hoj te odpočovinen. Dojekh, ko andre oda džives kerela buči, mušinel te merel!

2. Mojžišoskro 31:15 ပူးပေါင်းရင်းမြစ်များ

1. Mojžišoskro 2:2

Pro eftato džives dokerďa o Del peskri buči, so kerelas, a pro eftato džives peske odpočovinďa savore peskre bučendar.

2. Mojžišoskro 16:23

Ov lenge odphenelas: „Kada phenel o RAJ: ‚Tajsa hin o sveto džives o šabat le RAJESKRO. Vašoda, so kampel te pekel, peken, so te tavel, taven, a so olestar ačhela, odthoven pre tosaraste.‘ “

2. Mojžišoskro 16:26

Šov džives e manna kidena, ale eftato džives hin o šabat, akor ňič na arakhena pre phuv.“

2. Mojžišoskro 23:12

Šov džives ker tiri buči, ale pro eftato džives ma ker ňisavi buči, hoj tuke te odpočovines tu, tiro bikos the somaris, o čhavo tira služkakro the o cudzincos.

2. Mojžišoskro 31:14

Doľikeren o šabat, bo hino sveto! Ko les na pošvecinela, mušinel te merel a dojekh, ko andre oda džives kerela buči, mi el avritradlo peskre manušendar.

2. Mojžišoskro 31:16

O Izraeliti andre dojekh pokoleňje mi doľikeren o šabat sar zmluva pro furt.

2. Mojžišoskro 31:17

Kada ela pro znameňje maškar mande the mire manuša pro furt, bo o RAJ tel o šov dživesa kerďa o ňebos the e phuv, ale eftato džives preačhiľa te kerel a odpočovinelas.“

2. Mojžišoskro 34:21

Šov dživesa kereha buči, ale eftato džives tuke odpočovineha la bučatar – the akor sar orineha a sar kideha e žatva.

2. Mojžišoskro 35:2

Šov dživesa kerena tumari buči, ale eftato džives – o šabat – ela tumen sveto džives le odpočinkoskro, so hino oddino le RAJESKE. Dojekh, ko oda džives kerela varesavi buči, mušinel te merel.

2. Mojžišoskro 35:3

Pro šabat andre ňisavo kher ma podlabaren aňi e jag.“

Ezechiel 46:1

„ ‚Kada phenel o RAJ, o Adonaj: E brana la andruňa dvorakri, visarďi pro vichodos, ela šov džives andro kurko phandľi andre, ale pro šabat the pro nevo čhon pes phundravela.

3. Mojžišoskro 16:29

Kada hin o zakonos prekal tumende pro furt: Pro dešto džives andro eftato čhon tumen poscinena a pokorinena a na kerena ňisavi buči – aňi o Izraeliti aňi o cudzinci, so bešen tumenca –

3. Mojžišoskro 23:3

„ ‚Šov dživesa pes kerela buči, ale pro eftato džives ela o šabat, oda džives ela pro odpočinkos a zdžana tumen, hoj te lašaren le RAJES. Na kerena ňisavi buči, oda hin o šabat le RAJESKRO všadzik, kaj bešena.‘ “

3. Mojžišoskro 23:32

Ela oda prekal tumende o šabatoskro odpočinkos a poscinena tumen. Račatar pro eňato džives andre oda eftato čhon dži rači pro dešto džives doľikeren tumaro šabat.“

Лукастар 13:14

Akor choľisaľiľa o angluno manuš andral e sinagoga, hoj o Ježiš sasťarďa pro šabat, a phenďa le nipenge: „Šov džives hin, andre save pes kerel buči! Andre ola dživesa aven, hoj te sasťon avri – ale ma keren oda pro šabat!“

Лукастар 23:56

Paľis gele pale a pripravinde o voňava oleji the o voňava masci. Ale prekal o šabat odpočovinenas, avke sar prikazinel o Zakonos.

5. Mojžišoskro 5:12

Doľiker o šabat, hoj les te pošvecines, sar tuke prikazinďa o RAJ, tiro Del!

Židenge 4:9

Avke mek ačhel o šabatoskro odpočinkos prekal le Devleskre manuša,