2. Mojžišoskro 30:19 - Le Devleskero Lav Andre Romaňi Čhib Slovensko 2021

¹⁹ O Aron the leskre čhave ode thovena o vasta the o pindre.

2. Mojžišoskro 30:19 ပူးပေါင်းရင်းမြစ်များ

Žalmi 26:6

Thovav avri mire vasta, bo nane man vina, a phirav pašal tiro oltaris, RAJEJA,

2. Mojžišoskro 29:4

Paľis an le Aron the leskre čhaven anglo vudar le Svetostankoskro a obžužar len le paňeha.

2. Mojžišoskro 30:20

Sar džana andro Svetostankos, mušinen pes te thovel le paňeha, hoj te na meren. Avke kerena, the sar džana paš o oltaris te kerel e služba, hoj te keren e labarďi obeta prekal o RAJ.

Izajaš 52:11

Džan avri! Džan avri! Džan odarik avri! Ma chuden tumen le nažuže vecendar! Aven avri andral o Babilon a obžužaren tumen, tumen, so hordinen le RAJESKRE nadobi!

3. Mojžišoskro 8:6

Avke o Mojžiš vičinďa le Aron the leskre čhaven anglal a obžužarďa len le paňeha.

Titoske 3:5

ov amen zachraňinďa a oda na sas vaš amare lačhe skutki, so amen kerďam, ale vašoda, bo ov hino lačhejileskro. Zachraňinďa amen prekal o Sveto Duchos, savo amen znovuzrodzinďa a diňa amen o nevo dživipen oleha, hoj amen obžužarďa.

Židenge 10:22

aven džas paš o Del čače jileha, savore pačabnaha – le jilenca, so hine obžužarde andral o nalačho svedomje, the le ťelenca, so hine thode (omorde) le žuže paňeha.

Židenge 9:10

Bo oda hin ča pal o chaben, pal o pijiben the pal o všelijaka sposobi, sar pes te žužarel. Oda hin ča o avrune predpisi, save ľikeren ča dži akor, medik pes na kerela neve.