2. Mojžišoskro 29:30 - Le Devleskero Lav Andre Romaňi Čhib Slovensko 2021

³⁰ Oda čhavo, savo pal leste prelela e rašajiko služba a avela andro Svetostankos te služinel andro Sveto than, mušinela efta dživesa oda ruchos pre peste te urel.

2. Mojžišoskro 29:30 ပူးပေါင်းရင်းမြစ်များ

1. Mojžišoskro 8:10

Užarďa mek efta džives a mukľa la holubica pale avri.

1. Mojžišoskro 8:12

Užarďa mek aver efta dživesa a mukľa avri la holubica, ale imar ke leste na avľa pale.

2. Mojžišoskro 12:15

O RAJ phenďa: „Efta dživesa chana o mare bi o kvasos. Pro ešebno džives mušinen andral tumare khera te čhivel het savoro kvasos. A te vareko andre kala efta dživesa chala vareso le kvasoha, akor oda dženo ela tradlo het mire manušendar.

2. Mojžišoskro 29:29

Le Aronoskre rucha mi prelen leskre čhave pal leste, hoj andre lende te aven pomazimen the pošvecimen andre rašajiko služba.

2. Mojžišoskro 29:31

Paľis le ole bakres pro posveťeňje andre rašajiko služba a tav leskro mas pro sveto than.

2. Mojžišoskro 29:35

Le Aronoha the leskre čhavenca ker savoro avke, sar tuke prikazinďom. Efta dživesa pes pošvecinena o rašaja.

Ezechiel 43:26

Efta džives pošvecinena o oltaris a obžužarena les. Avke les odďelinena prekal ma.

3. Mojžišoskro 13:5

Sar les o rašaj pro eftato džives obdikhela a dodžanela pes, hoj odi šuvľi cipa ačhel furt avke, sar sas, a hoj na džal dureder, akor o rašaj lela le nasvales pale avri pašal o manuša pro efta dživesa.

3. Mojžišoskro 16:32

O obrados pro zmjereňje kerela o nekbareder rašaj, savo sas pomazimen the ačhado andre rašajiko služba pal peskro dad. Urela pre peste o pošvecimen ľanovo ruchos

3. Mojžišoskro 9:1

Pro ochtoto džives vičinďa o Mojžiš le Aron, leskre čhaven the le phurederen andral o Izrael.

3. Mojžišoskro 9:8

Avke o Aron geľa paš o oltaris a murdarďa le terne bikos sar e obeta vaš peskro binos.

4. Mojžišoskro 20:28

Akor iľa o Mojžiš pal o Aron o ruchos a urďa les pre leskro čhavo Eleazar. Ode, pro agor le verchoske Hor, o Aron muľa. Paľis o Mojžiš the o Eleazar avenas tele pal o verchos.

Židenge 7:26

Se oda the kampelas, hoj amen te avel ajso Nekbareder Rašaj – sveto, bi e chiba, bi o binos, odďelimen le binošnendar a uprehazdlo upral o ňebi.