2. Mojžišoskro 29:10 - Le Devleskero Lav Andre Romaňi Čhib Slovensko 2021

¹⁰ An terne bikos anglo Svetostankos a o Aron the leskre čhave mi thoven o vasta pre leskro šero.

2. Mojžišoskro 29:10 ပူးပေါင်းရင်းမြစ်များ

2. Mojžišoskro 29:11

Murdareha les anglo RAJ paš o vudar, sar pes džal andro Svetostankos.

2. Mojžišoskro 29:15

Paľis le jekhe bakres a o Aron the leskre čhave mi thoven pre leskro šero o vasta.

2. Mojžišoskro 29:19

Paľis leha le dujte bakres a o Aron the leskre čhave mi thoven peskre vasta pre leskro šero.

Izajaš 53:6

Amen savore samas sar o našade bakrore; sako džahas peskre dromeha, ale o RAJ thoďa pre leste amare savoredženengre nalačhipena.

Ezechiel 43:23

Sar imar ela obžužardo, aneha le stadostar jekhe bikos bi e chiba the jekhe baranos bi e chiba

3. Mojžišoskro 1:4

Thovela o vast pro šero le džviroske, savo ela obetimen sar e labarďi obeta, a odi obeta ela priiľi sar o počiňiben vaš leskro binos.

3. Mojžišoskro 16:21

O Aron thovela soduj vasta pre le caposkro šero, viznavinela upral leste savore bini le Izraelitengre, savore lengre nalačhipena the savore lengre vini. Avke thovela savoro pre le caposkro šero a dela les ole muršeske, so hino pre oda avrikidlo, hoj les te ľidžal het pre pušťa.

3. Mojžišoskro 3:2

Thovela o vast pro šero le džviroske, saves anďa te obetinel, a murdarela les paš o vudar paš o Svetostankos. O rašaja, o čhave le Aronoskre, pokropinena leskre rateha o seri pro oltaris.

3. Mojžišoskro 4:4

Anela le bikos paš o vudar paš o Svetostankos, thovela o vast pro šero le bikoske a murdarela les anglo RAJ.

3. Mojžišoskro 8:14

Paľis diňa te anel le bikos pre obeta vaš o binos a o Aron peskre čhavenca thode o vasta pro šero le bikoske.

3. Mojžišoskro 8:18

Paľis phenďa, hoj te anen le bakres pre labarďi obeta. O Aron the leskre čhave thode o vasta pro šero le bakreske

4. Mojžišoskro 8:12

Avke o Leviti mi thoven o vasta pro šere le bikenge. Jekhe bikos obetin sar obeta vaš o bini a dujtes sar labarďi obeta le RAJESKE, hoj te obžužares le Leviten le binendar.

2. Korinťanenge 5:21

Bo o Del thoďa pre oda, ko na prindžarelas o binos, savore amare bini, hoj andro Kristus amen te avas čačipnaskre anglo Del.