2. Mojžišoskro 24:15 - Le Devleskero Lav Andre Romaňi Čhib Slovensko 2021

¹⁵ Sar o Mojžiš geľa upre pro verchos, e chmara zaučharďa o verchos.

2. Mojžišoskro 24:15 ပူးပေါင်းရင်းမြစ်များ

2. Kronicko 6:1

Akor phenďa o Šalamun: „O RAJ phenďa, hoj bešela andre kaľi chmara.

2. Mojžišoskro 19:16

Pro trito džives sig tosara pro verchos chudňa te herminel a te marel o bleski. E kaľi chmara les zaučharďa andre a šunďolas odarik igen zoralo hangos la trubakro a savore manuša andro taboris izdranas daratar.

2. Mojžišoskro 19:20

O RAJ avľa tele pro verchos Sinaj, pre leskro špicos, paľis vičinďa ke peste le Mojžiš a o Mojžiš geľa upre.

2. Mojžišoskro 19:9

O RAJ phenďa le Mojžišoske: „Me avava paš tu andre kaľi chmara, hoj o manuša te šunen, sar tuha vakerava, hoj tuke furt te pačan.“ Sar o Mojžiš phenďa le RAJESKE le manušengre lava,

2. Mojžišoskro 24:16

Le RAJESKRI slava avľa tele pro verchos Sinaj a šov džives les zaučharelas la chmaraha a pro eftato džives o RAJ zvičinďa pro Mojžiš andral e chmara.

Matuš 17:5

Mek sar vakerelas, zaučharďa len andre e žjarivo chmara a andral e chmara prevakerďa ke lende o hangos: „Kada hin miro Čhavo, saves kamav. Andre leste man hin radišagos, les šunen!“