2. Mojžišoskro 23:27 - Le Devleskero Lav Andre Romaňi Čhib Slovensko 2021

²⁷ Me kerava, hoj tumare ňeprijaťeľa tumendar darana a ela maškar lende zmetkos, sar tumen lenca marena. Kerava, hoj pes tumendar visarena a denašena het.

2. Mojžišoskro 23:27 ပူးပေါင်းရင်းမြစ်များ

1. Mojžišoskro 35:5

Sar džanas avri andral oda foros, avľa pre ola manuša ole forendar ajsi bari dar le Devlestar, hoj na kerde ňič le Jakoboskra famelijake.

2. Samueloskro 22:41

Tu keres, hoj mire ňeprijaťeľa te denašen mandar, a me zňičinďom olen, ko man našťi avri ačhenas.

2. Kraľengro 7:6

Bo o RAJ kerďa, hoj o Aramejčana andro taboris te šunen e bari vika, sar aven o maribnaskre verdana, o graja the o pherdo slugaďa, a on peske gondoľinenas, hoj o izraeliko kraľis počinďa le chetitske the le egiptske kraľenge, hoj te aven lenca pre lende pro mariben.

2. Kronicko 14:14

Džanas the pre le pasťjerengre tabora a odľigende odarik igen but bakren the ťaven. Avke gele pale andro Jeruzalem.

Žalmi 18:40

Urďal man andre zor le maribnaskri a kerďal, hoj mire ňeprijaťeľa anglal mande te banďon;

Žalmi 21:12

Kamenas tuke te kerel o nalačhipen a gondoľinenas avri o pasci, ale na avle lenge avri,

2. Mojžišoskro 33:2

Bičhavava angle tu le aňjelos a tradava odarik le Kanaančanen, le Amorejčanen, le Chetitanen, le Perizejen, le Chivijen the le Jebusejen.

2. Mojžišoskro 34:24

Me tradava avri anglal tu le naroden a kerava, hoj tut ela bareder phuv, vašoda ňiko imar na kamela tiri phuv, sar trival andro berš aveha upre te lašarel le RAJES, tire Devles.

4. Mojžišoskro 22:3

ov the savore leskre manuša pes lendar daranas, bo sas igen but.

5. Mojžišoskro 11:23

paľis o RAJ anglal tumende tradela avri savore kala narodi a zalena o phuva, so hine le narodengre, so hine bareder the zoraleder tumendar.

5. Mojžišoskro 11:25

Ňiko anglal tumende na obačhela. O RAJ, tumaro Del, kerela, hoj pes tumendar te daran o manuša pal caľi phuv, kaj džana, avke sar tumenge phenďa.

5. Mojžišoskro 2:25

Kale dživesestar kerava, hoj savore narodi tel o ňebos tumendar te daran a sako tumendar te izdral daratar, sar pal tumende šunela.‘

5. Mojžišoskro 6:19

a hoj te trades avri tumare ňeprijaťeľen, avke sar o RAJ phenďa.

5. Mojžišoskro 7:23

O Raj tumenge dela tumare ňeprijaťeľen a kerela maškar lende baro zmetkos, medik na ena zňičimen.

1. Samueloskro 14:15

Andro taboris, pre maľa the všadzik maškar o manuša avľa bari dar. Predaranďile the o slugaďa the ola, so gele te občorarel o gava, a the e phuv razisaľiľa. Kada savoro kerďa o Del.